12 months ago
February 27, 2024
काठमाडौं (हाम्रो खेलकुद) – ओपनर दुर्गेश थापाको नटआउट शतकमा भोटेचौर स्पोर्ट्स क्लबले पाँचपोखरी जिल्लास्तरीय टि२० क्रिकेट प्रतियोगितामा लगातार दोस्रो जित हासिल गरेको छ । यस्तै दिनको अर्को खेलमा इन्द्रावती गाउँपालिकाले पनि पहिलो जित दर्ता गर्यो ।
मुलपानी क्रिकेट मैदानमा भोटेचौरले टस जितेर पाँचपोखरी हिमालयन क्रिकेट क्लबलाई ब्याटिङको निम्तो दिएको थियो । हिमालयनले निर्धारित २० ओभर मा ५ विकेट गुमाई १४१ रन बनायो । पासाङ दोर्जे तामाङले ४४ बलमा ५१ रन बनाए भने राजु लामाले नटआउट ३६ बलमा ४४ रन जोडे ।
जवाफी ब्याटिङमा दुर्गेशको नटआउट शतकमा भोटेचौरले ४ विकेट गुमाएर ४ बल बाँकी रहँदै लक्ष्य भेट्टायो । प्लेयर अफ द म्याच दुर्गेशले आफ्नो इनिङमा ६५ बलको सामना गर्दै १५ चौका र २ छक्का प्रहार गरे । कप्तान अरुण चौलागाईले २० रन जोड्दै साथ दिए ।
त्यस्तै दिनको पहिलो खेलमा इद्रावती गाउँपालिकाले प्रतियोगिताको पहिलो जित दर्ता गर्यो । टस जितेर पहिलो ब्याटिङ गरेको साँगाचोकले १५.४ ओभरमा अलआउट हुँदै मात्र ६६ रन बनायो । सागर तिमिल्सेनाले १६ रन जोड्नुबाहेक अन्य कुनै ब्याट्सम्यानले दोहोर अंक बनाउन सकेन । इन्द्रावतीका प्लेयर अफ द म्याच चन्द्रकान्त पौडेलले ४ ओभरमा १४ रन दिएर ४ विकेट लिए । सुशन चौलागाई, निशान भारती र सुमन चौलागाईले २-२ विकेट बाँडे ।
इद्रावतीले ८.२ ओभरमा आफ्नो २ विकेट गुमाउँदै जित दर्ता गर्यो । उमंग धितालले नटआउट ३७ रनको योगदान दिए भने चन्द्रकान्तले २५ रनमा नटआउट रहे । दुवै विकेट सविन गिरिले लिए ।
प्रतियोगिता पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पाँचपोखरी क्रिकेट क्लबको प्राविधिक सहयोगमा फागुन १२ गते देखि आयोजना भइरहेको छ ।
पाँचौ दिन बुधबार बिहान ९ बजे पाँचपोखरी हिमालयन क्रिकेट क्लब र ह्योल्मो एघार तथा दिउँसो १ बजे माइटी साँगाचोक र मेलम्ची नगरपालिकाबीच खेल रहेको छ।
February 10, 2025
एजेन्सी – दक्षिण अफ्रिकाका २६ वर्षीय ब्याटर म्याथ्यु ब्रिट्ज्की ओडीआई डेब्यूमै सर्वाधिक रन बनाउने खेलाडी बनेका छन् । उनले पाकिस्तानमा जारी त्रिकोणात्मक ओडीआई सिरिजमा न्युजिल्यान्डविरुद्ध १ सय ४८ बलमा ११ चौका र ५ छक्कासहित १ सय ५० रनको शतकीय इनिङ खेल्दै विश्व कीर्तिमान बनाए । उनले वेष्टइण्डिजका डेसमन्ड हेन्सले सन् १९७८ मा अष्ट्रेलियाविरुद्ध बनाएको १ […]
February 10, 2025
एजेन्सी – केन विलियम्सनको अविजित शतकको सहयोगमा न्युजिल्याण्डले त्रिकोणात्मक ओडीआई सिरिजमा दक्षिण अफ्रिकामाथि ६ विकेटको सानदार जित हात पारेकोछ । पाकिस्तानको लाहोरमा जित्नलाई ३ सय ५ रनको लक्ष्य पछ्याएको न्युजिल्याण्डले ४८.४ ओभरमा ४ विकेट गुमाउँदै पूरा गर्यो । विलियम्सनले १ सय १३ बलमा १३ चौका र २ छक्कासहित १ सय ३३ रनको अविजित इनिङ खेले […]
February 10, 2025
धनगढी (हाम्रो खेलकुद)- अर्जुन ट्रफी टोली विजेता सिवाइसी अत्तरियाका विवेक यादव सर्वोत्कृष्ट खेलाडी घोषित भएका छन्। विवेकलाई १ लाख रुपैयाँ प्रदान गरिएको छ। प्रतियोगिता अवधिभर उनले १ सय ५२ रन बनाउनका साथै १० विकेट लिएका थिए। दोस्रो भएको फ्रेण्डस युथ क्लब डडेल्धुराका कुशल भुर्तेल उत्कृष्ट बलर र उत्कृष्ट ब्याटर दुवै चिनिए। उनले ५ खेलमा १ […]