default_image

2 months ago

February 29, 2024

‘सो क्लोज एट सो फार’

काठमाडौं (हाम्रो खेलकुद) – नेपाल र नेदरल्यान्ड्सबीच त्रिकोणात्मक सिरिजको दोस्रो खेलमा विहीबार नेपाललाई एक समय जितको लागि १८ बलम ४८ रन आवश्यक थियो । प्रति ओभर १६ रन चाहिएको अवस्थाबाट दीपेन्द्रसिंह ऐरीले खेल ४ बलमा ५ रन आवश्यकको स्थितिमा ल्याए । तर अन्त्यमा नेपाल २ रनले खेल हार्न पुग्यो । लिग-२ अन्तर्गतको ओडीआई सिरिजमा ३ […]

2959 views

0 Bookmark

काठमाडौं (हाम्रो खेलकुद) – नेपाल र नेदरल्यान्ड्सबीच त्रिकोणात्मक सिरिजको दोस्रो खेलमा विहीबार नेपाललाई एक समय जितको लागि १८ बलम ४८ रन आवश्यक थियो । प्रति ओभर १६ रन चाहिएको अवस्थाबाट दीपेन्द्रसिंह ऐरीले खेल ४ बलमा ५ रन आवश्यकको स्थितिमा ल्याए । तर अन्त्यमा नेपाल २ रनले खेल हार्न पुग्यो ।

लिग-२ अन्तर्गतको ओडीआई सिरिजमा ३ हार बेहोरेको नेपालले १ खेलमा नेदरल्यान्ड्सलाई पराजित गरेको थियो । तर नेपालले बेहोरेको ३ हारमा नेदरल्यान्ड्सविरुद्ध अन्तिम खेल बाहेक नामिबियाविरुद्धका दुवै खेल नेपालले जित्न सक्ने अवस्थाकै थियो । ओडीआईमा कमजोर ब्याटिङका कारण बलरले खेल जिताउन नसकेपनि टि२०आईमा भने त्यो सुधारिएको छ ।

टि२०आई सिरिजको दुवै खेलमा नेपालले लक्ष्य पछ्याउने क्रममा जितको नजिक पुगेर हार बेहोर्यो । दुवै खेलमा टि२० विशेष भूमिका पाएका खेलाडीले आफ्नो स्थानलाई न्याय गर्न सकेनन् । दीपेन्द्रसिंह ऐरीले दुवै खेलमा आफू नेपालको टि२० सुपरस्टार किन भनिन्छ भन्ने प्रमाणित गर्दा रोहित पौडेलले कप्तानको इनिङ खेलेका छन् । अन्यबाट भने त्यस अनुसार साथ मिलेको छैन ।

ओपनर कुशल भुर्तेल दुवै खेलमा खाता नखोली आउट भएका छन् । पहिलो खेलमा नामिबियाविरुद्ध उनी पहिलो बलमै एलबीडब्लु धरापमा परे । बायाँ हाते रुबेन ट्रम्पलम्यानको बललाई लेग साइडतर्फ खेल्ने सुरमा बिट हुँदा उनी आउट भए । दोस्रो खेलमा तेस्रो बल एज लाग्दै विकेटकिपरको हातबाट समातिए । आक्रामक सुरुवात दिलाउने जिम्मेवारी पाएका उनी दुवै खेलमा चुक्दा नेपाल दबाबमा परेको थियो ।

‘कुशल स्तरीय खेलाडी हुन् । दुई खेल अघिसम्म उनले हाम्रो लागि उच्च प्रदर्शन गरे । कहिलेकाहीं विश्व स्तरीय खेलाडी पनि सुरुवातमै आउट हुन सक्छन् । तर उनले के गर्न सक्छन् हामीलाई थाहा छ,’ प्रशिक्षक मोन्टि देशाइले नेदरल्यान्ड्सविरुद्ध खेलपछि भने ।

आसिफ पहिलो खेलमा चाडै आउट भएपनि दोस्रो खेलमा भने रोहितसँग बलियो साझेदारी गरे । रोहितले टि२० मा तेस्रो नम्बरमा आउँदै रनगति बढाउने सँगै महत्त्वपूर्ण योगदान दिएका छन् । कुशल मल्ल नामिबियाविरुद्ध चलेपनि नेदरल्यान्ड्सविरुद्ध चाडैं आउट भए ।

दुवै खेलमा निकै आशा गरिएको र आफ्नो भूमिकामा खडा हुनुपर्ने सन्दीप जोरा चलेनन् । शीर्ष र मध्यक्रमका ब्याटरले जितको आधार खडा गरेपछि फिनिस गर्नुपर्ने जिम्मेवारी पाएका उनी दुवै खेलमा दोहोरो अंक स्कोर बनाउन चुके । नामिबियाविरुद्ध विवेक यादवले सोहि गल्ती गर्दा दोस्रो खेलमा बाहिर बसे ।

बलिङमा खराब सुरुवात भएपनि दीपेन्द्रले अन्त्यतिर कसिलो बलिङ गर्दै नेदरल्यान्ड्सलाई २ सय रनसम्म पुग्न दिएनन् । नेपाल जितनजिक पुगेर पनि हारको सामना गर्नुपर्यो । तीव्र गतिका बलरबाट नेपालले सोचेअनुरुप प्रदर्शन पाउन सकिरहेको छैन । विपक्षी टोलीले नेपाली बलरलाई निकै सहज रुपमा खेलिरहेका छन् । बिरलै ब्याटरहरु बिट भएका छन् ।

प्रशिक्षक देशाइ खेलाडीहरुले आफ्नो क्षमता र बहादुरी मैदानमा देखाइरहेको बताउँछन् । ‘दुवै खेलमा हामीले लक्ष्य पछ्याउने पक्षमा राम्रो गरेका छौं । हामीले सानो कुरा नै ठूलो महत्त्वको हुन्छ भन्ने बुझेका छौं । आज दिपेन्द्रले अन्तिम ओभरको सुरुवाती दुई बल राम्रो खेले, तर विपक्षी बलर पनि राम्रा थिए र उनले आफ्नो पक्षमा खेल ल्याए ।’

नेदरल्यान्ड्सविरुद्ध गुलशनले बलिङ गरेनन् र ब्याटिङमा पनि स्ट्राइक पाएनन् । प्रशिक्षक देशाइले उनको उपस्थिति र उनलाई लिएर टोलीको योजना प्रष्ट रहेको बताए । ‘हामीले उनलाई कहाँ र कसरी प्रयोग गर्ने योजना बनाएका छौं । विपक्षीको योजना अनुसार प्रयोग गर्ने तयारी थियो । अन्त्यमा उनले स्ट्राइक पाएनन् । बिचमा अफ स्पिनर आएकाले उनले केहि प्रतीक्षा गर्नुपरेको हो,’ उनले भने ।

एक बलले खेलको नतिजामा नै प्रत्यक्ष असर गरेको अवस्थाबाट अब नेपाली टोली उठ्नुपर्नेछ । नेदरल्यान्ड्सविरुद्ध हातमा आइसकेको जितबाट नेपाली टोली बन्चित हुनुपर्यो । ‘सो क्लोज यट सो फार’ अर्थात धेरै नजिक तर अझै टाढा ।

अब बाँकी दुई खेलमा दुवै खेल जितेको अवस्थामा मात्र नेपालको हातमा फाइनलको सम्भावना रहन्छ । कुनै एक खेल मात्र गुमाए नेपालले अन्यको नतिजा भर पर्नु पर्छ । नेपालले अब शुक्रबार नामिबिया र शनिबार नेदरल्यान्ड्ससँग खेल्नेछ ।

April 15, 2024

आफ्नै कीर्तिमान सुधार्दै हैदराबाद विजयी

एजेन्सी – इन्डियन प्रिमियर लिग (आईपीएल) जारी संस्करणमा नै इतिहासको सर्वाधिक योगफल बनाएर सनराइजर्स हैदराबादले कीर्तिमान सुधारेको छ । मार्च २७ मा मुम्बई इन्डियन्स विरुद्ध २ सय ७७ रन बनाएको हैदराबादले आज रोयल च्यालेन्जर्स बेंगलुरु विरुद्ध २ सय ८७ रन बनाउन सफल भयो । यो संस्करण अघि रोयल च्यालेन्जर्स बंगलुरुले सन् २०१३ मा बनाएको २ […]

April 15, 2024

कुवेतको दोस्रो जित 

मस्कट (हाम्रो खेलकुद) – ओमानमा जारी एसीसी प्रिमियर कपमा कुवेतले दोस्रो जित दर्ता गरेको छ । पहिलो खेलमा युएई विरुद्ध हार बेहोरेको कुवेतले लगातार दोस्रो जित दर्ता गर्ने क्रममा बहराइन माथि २६ रनको जित निकालेको हो । वर्षाका कारण १५ ओभरमा घटाइएको खेलमा १६२ रनको विशाल लक्ष्य पछ्याएको बहराइनले ६ विकेट गुमाउँदै १३५ रन मात्र […]

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

Success

Thank you for your time.