5 months ago
March 1, 2024
काठमाडौं (हाम्रो खेलकुद) – क्यानाडाले आईसिसी मेन्स क्रिकेट वर्ल्ड कप लिग-२ मा लगातार दोस्रो जित दर्ता गरेको छ । युएईमा जारी त्रिकोणात्मक शृंखलामा लगातार दोस्रो जित दर्ता गर्ने क्रममा क्यानडाले स्कटल्यान्ड माथि ७ विकेटको जित दर्ता गरेको हो ।
२१६ रनको माध्यम लक्ष्य पछ्याएको क्यानाडाले लक्ष्य ४०.३ ओभरमा ३ विकेट गुमाएर भेट्टायो । क्यानडाका लागि पर्गत सिंहले ९९ बल खेल्दै १० चौका र १ छक्का सहित अविजित ८७ रन बनाए ।
यस्तै ओपनर श्रीमन्था विजेयरत्नेले ८७ बलमा ५६ रनको अर्धशतकीय इनिङ खेले । अर्का ओपनर एरन जोन्सनले २८ बलमा ४३ रनको आक्रामक इनिङ खेले । नवनीत धलिवलले १२ तथा हर्ष ठाकेर १० रनको अविजित रहे
स्कटल्यान्डका लागि मार्क वाट, स्कट करी र क्रिस ग्रिभ्सले एक एक विकेट लिए ।
त्यसअघि दुबईमा टस हारेर पहिले ब्याटिङ गरेको स्कटल्यान्डले निर्धारित ५० ओभरमा २१५ रन मात्र जोड्न सक्यो । स्कटल्यान्डका लागि ओपनर जर्ज मुन्सीले १०१ बलमा सर्वाधिक ६८ रन बनाए । यस्तै माइकल लिस्कले ४० तथा म्याथिउ क्रसले ३० रन बनाए ।
क्यानाडाका लागि डीलन हेलिगर र निकोलास कीर्तनले दुई-दुई विकेट लिए भने कलिम सना, अम्मर खालिद र साद विन जफरले एक एक विकेट लिए ।
क्यानाडाले पहिलो खेलमा घरेलु टोली युएई माथि ३ विकेटको जित निकालेको थियो । त्रिकोणात्मक शृंखलाको अर्को खेलमा घरेलु टोली युएई र स्कटल्याण्ड आईतवार भिड्ने छन् ।
युएई जानु अघि क्यानाडाले नेपाल विरुद्ध एक दिवसीय श्रृंखला ३-० ले हार बेहरेको थियो भने क्यानडियन टोलीले नेपाल ए विरुद्ध तीन एक दिवसीय खेल खेलेको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]