default_image

1 month ago

March 3, 2024

यूएईको लगातार दोस्रो हार

काठमाडौं (हाम्रो खेलकुद) – आइसीसी विश्वकप लिग-२ अन्तर्गत यूएईले घरेलु मैदानमा लगातार दोस्रो हार बेहोरेको छ । आइतबार दुबईमा स्कटल्यान्डसँग ८ विकेटले हारेसँगै यूएईले लिग-२ मा बिर्सनलायक सुरुवात गरेको हो । यसअघि क्यानडाले पहिलो खेलमा यूएईलाई ३ विकेटले हराएको थियो । यूएई पहिलो ब्याटिङ गर्दै ४५ ओभरमा मात्र १ सय ३२ रन जोड्दै अलआउट भएको […]

4081 views

0 Bookmark

काठमाडौं (हाम्रो खेलकुद) – आइसीसी विश्वकप लिग-२ अन्तर्गत यूएईले घरेलु मैदानमा लगातार दोस्रो हार बेहोरेको छ ।

आइतबार दुबईमा स्कटल्यान्डसँग ८ विकेटले हारेसँगै यूएईले लिग-२ मा बिर्सनलायक सुरुवात गरेको हो । यसअघि क्यानडाले पहिलो खेलमा यूएईलाई ३ विकेटले हराएको थियो ।

यूएई पहिलो ब्याटिङ गर्दै ४५ ओभरमा मात्र १ सय ३२ रन जोड्दै अलआउट भएको थियो । यूएईका लागि आयान अफजल खान ४५ रनमा नटआउट रहे । ओपनर वृत्य अरविन्दले २६ रन जोड्नुबाहेक अन्य ब्याटरले ठूलो स्कोर बनाउन सकेनन् ।

स्कटल्यान्डका लागि ब्राडली करीले ९ ओभरमा मात्र २१ रन खर्चेर ३ विकेट लिए । स्कट करीले २ विकेट लिँदा सफियन सरिफ, मार्क वाट र क्रिस ग्रिभ्सले १-१ विकेट बाँडे ।

जवाफमा स्कटल्यान्डले २३.४ ओभरमा २ विकेट गुमाएर लक्ष्य पूरा गर्यो । ओपनर चार्ली टिअर ५४ रनमा नटआउट रहे । अर्का ओपनर जर्ज मुन्सेले २६ बलमा ४ चौका र ३ छक्कासहित ३७ रनको योगदान दिए । ब्रेन्डन मक्कुलेन ३९ रनमा आउट भएका थिए ।

यस जितसँगै स्कटल्यान्डले लिग-२ को अंक तालिकामा खाता खोलेको छ । यस सिरिजमा लगातार २ जित हासिल गरेको क्यानडा ४ अंकका साथ दोस्रो स्थानमा छ । नामिबिया ३ जितका साथ ६ अंक जोडेर शीर्षस्थानमा रहेको छ । नेदरल्यान्ड्सको ४ तथा स्कटल्यान्ड र नेपालको २-२ अंक छ । यूएई दुवै खेलमा हार्दा ओमान र अमेरिकाले कुनै खेल खेलेका छैनन् ।

April 15, 2024

आफ्नै कीर्तिमान सुधार्दै हैदराबाद विजयी

एजेन्सी – इन्डियन प्रिमियर लिग (आईपीएल) जारी संस्करणमा नै इतिहासको सर्वाधिक योगफल बनाएर सनराइजर्स हैदराबादले कीर्तिमान सुधारेको छ । मार्च २७ मा मुम्बई इन्डियन्स विरुद्ध २ सय ७७ रन बनाएको हैदराबादले आज रोयल च्यालेन्जर्स बेंगलुरु विरुद्ध २ सय ८७ रन बनाउन सफल भयो । यो संस्करण अघि रोयल च्यालेन्जर्स बंगलुरुले सन् २०१३ मा बनाएको २ […]

April 15, 2024

कुवेतको दोस्रो जित 

मस्कट (हाम्रो खेलकुद) – ओमानमा जारी एसीसी प्रिमियर कपमा कुवेतले दोस्रो जित दर्ता गरेको छ । पहिलो खेलमा युएई विरुद्ध हार बेहोरेको कुवेतले लगातार दोस्रो जित दर्ता गर्ने क्रममा बहराइन माथि २६ रनको जित निकालेको हो । वर्षाका कारण १५ ओभरमा घटाइएको खेलमा १६२ रनको विशाल लक्ष्य पछ्याएको बहराइनले ६ विकेट गुमाउँदै १३५ रन मात्र […]

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

Success

Thank you for your time.