4 months ago
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो ।
टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका रोशन साउद र लोकेश जोशीले आक्रामक अर्धशतक बनाएका थिए ।
रोशनले ५४ बलमा १० चौका र १ छक्काको मद्दतले ७७ रनमा नटआउट रहे । लोकेशले ५० बलमा ९ चौकाको मद्दले ६९ रन बनाए । विशाल ऐरले १५ र निराजन गौतमले १६ रन नटआउट जोडे । पर्शुरामका मान साउदले १ विकेट लिए ।
१ सय ८२ रनको लक्ष्य पछ्याएको पर्शुराम १९.५ ओभरमा अलआउट हुँदै १ सय ४६ रन समेटियो । पर्शुरामका लागि मान साउदले ५२ अर्धशतक बनाए । मानले २५ बलमा १ चौका र ५ छक्काको मद्दतले ५२ रन बनाए । अर्जुन बिकले १०, राज बिकले ३० र किरण धामीले २४ रन थपे ।
शुक्लाफाँटाका लागि कैलाश ऐरले ३, भरत चन्द र प्रविन खनालले समान २ तथा सुशिल रावलले १ विकेट लिए । शुक्लाफाँटाका रोशन साउद म्यान अफ दि म्याच चुनिए ।
चैत्र १७ गतेसम्म चल्ने प्रतियोगितामा सुदूरपश्चिमका ११ पालिका सहभागी छन् । प्रतियोगिताको विजेता टोलीले २ लाख र दोस्रो हुने टोलीले १ लाख रुपैयाँ प्राप्त गर्नेछ । सुदूरपश्चिम प्रदेश सरकारका भौतिक पुर्वाधार मन्त्री प्रकाश देउवाले प्रतियोगिताको उद्घाटन गरेका थिए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]