काठमाडौं (हाम्रो खेलकुद) – आयरल्यान्ड वल्भस विरुद्ध घरेलु मैदानमा दुई टि-२० खेल र भारतमा हुने फ्रेन्डशिप कपको लागि नेपाली क्रिकेट टोलीको घोषणा भएको छ । क्यानले बुधबार १५ सदस्सीय टोलीको घोषणा गरेको हो ।

हङकङमा त्रिकोणात्मक शृंखला खेलेको टोलीमा ५ परिवर्तन गरिएको छ । हङकङ पुगेको टोलीमा रहेका आरिफ शेख, सागर ढकाल, लोकेश बम विनोद भण्डारी र राशिद खान टोलीबाट बाहिरिएका छन् । यस्तै अनिल शाह, कुशल मल्ल, ललित राजवंशी, दीपेन्द्र सिंह ऐरी र आशिफ शेख टोलीमा फर्किएका छन् ।

नेपालले आइरिस टोली विरुद्ध आउँदो चैत्र १२ र १४ गते खेल्दैछ । त्यसपछि टोली बरोदा र गुजरात सम्मिलित त्रिकोणात्मक “फ्रेन्डशिप कप” खेलमा वापी पुग्नेछ ।

चैत्र १८ गते नेपालले गुजरातको सामना गर्नेछ भने चैत्र २० मा नेपाल र बरोडा भिड्नेछन् । यस्तै चैत्र २१ मा पुनः गुजरात विरुद्ध र चैत्र २३ मा बारोडा विरुद्ध खेल्नेछ । फाइनल खेल चैत्र २५ मा हुनेछ ।

नेपाली टोली:

रोहित पौडेल (कप्तान), आसिफ शेख, कुशल भुर्तेल, कुशल मल्ल, विवेक यादव, सन्दिप जोरा, अनिल शाह, गुलशन झा, दीपेन्द्रसिंह ऐरी, ललित राजवंशी, करण केसी, सोमपाल कामी, प्रतिश जिसी, अभिनाश बोहरा, आकाश चन्द