4 months ago
March 21, 2024
राकेश तिमल्सिना, चितवन
चितवन जिल्ला क्रिकेट संघको आयोजनामा सुरु भएको इण्डो नेपाल कप टि-ट्वान्टी च्याम्पियनसिपको उद्घाटन खेलमा बिहीबार भरतपुर मेयर्स ११ ले विजयी भएको छ ।
बागमती प्रदेशविरुद्ध ८ रनको रोमाञ्चक जित निकाल्दै भरतपुरले विजयी सुरुआत गरेको हो । निर्माणाधिन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा १ सय ५३ रनको मध्यम लक्ष्यसहित जवाफी ब्याटिङ थालेको बागमती निर्धारित २० ओभरमा ७ विकेट गुमाउदै १ सय ४४ रनमा सेमेटियो ।
७ छक्का र ६ चौकासहित ५७ बलमा सर्वाधिक ८८ रन जोडेका ओपनर सुभ कंसकार गौतम केसीको बलमा बोल्ड हुँदै पेभिलियन फर्किए ।
छैटौं विकेटको रुपमा उनी आउट हुँदा टिमको स्कोर १ सय ३१ रन थियो । त्यसपछि दबाबमा परेको बागमतीले लक्ष्य पूरा गर्न सकेन । बागमतीमाथि जित निकाल्नेक्रममा सौगात ढकालले ३, दिपेश श्रेष्ठले २ तथा गौतम केसीले १ विकेट लिए ।
त्यसअघि टस हारेर पहिला ब्याटिङको निम्तो पाएको भरतपुरले निर्धारित २० ओभरमा ८ विकेट गुमाउदै १ सय ५२ रनको योगफल तयार पार्यो । ७६ रन जोड्दा ६ विकेट गुमाएर दबाबमा परेको भरतपुरका लागि कप्तान दिपेश श्रेष्ठ र गौतम केसीले सातौं विकेटका लागि ६१ रनको साझेदारी गर्दै इनिङ्स सम्हालेका थिए ।
१५ बल खेल्दै ४ छक्का र १ चौकाको मद्धतमा ३३ रन बनाउदै गौतम रामनरेश गिरीको बलमा बोल्ड भए । २३ बलमा २ छक्का र २ चौका प्रहार गरेका दिपेश सुमन सुनुवारको बलमा बोल्ड भए ।
बलिङमा रामनरेश गिरीले ३, तिलकराज भण्डारीले २ तथा मनोज यादव, अभिषेक कोइराला र सुमन सुनुवारले समान १ विकेट लिए । ३ ओभर बलिङ गर्दै २२ रन खर्चिएर ४ विकेट लिएका सौगात ढकाल खेलको प्लेयर अफ द म्याच बने ।
प्रतियोगितामा शुक्रबार पहिलो खेलमा पिएसआर लखनउ र भरतपुर मेयर्स ११ तथा दोस्रो खेलमा मधेश प्रदेश र सुदुर पश्चिम प्रदेश प्रतिस्पर्धा हुनेछ । राउन्ड रोबिन लिगका आधारमा खेलाइने प्रतियोगितामा भारत २ टिमसहित ६ टिमको सहभागिता रहेको छ । शीर्ष ४ टोली सेमिफाइनल पुग्ने छन् । फाइनल चैत १७ गते हुनेछ ।
त्यसअघि उद्घाटनमा भरतपुर महानगरपालिका प्रमुख रेनु दाहालले २०२७ को यु १९ महिला विश्वकप गौतम बुद्ध अन्तर्राष्ट्रिय रंगशालामा खेलाउने योजना अनुरुप महानगरपालिका अघि बढेको बताइन् । उनले संघ, प्रदेश र स्थानीय तह सबैको सहयोगमा रंगशाला निर्माण गर्ने संकल्प आफुहरुले राखेको पनि बताइन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]