1 month ago
March 26, 2024
काठमाडौं (हाम्रो खेलकुद) – नेपाली पुरुष राष्ट्रिय क्रिकेट टोलीले आयरल्यान्ड वल्भ्सविरुद्ध दुई खेलको टि२० सिरिज २-० ले जितेको छ । टियु अन्तर्राष्ट्रिय क्रिकेट मैदानमा नेपालले ७१ रनको जित दर्ता गर्दै सिरिजमा जित हासिल गर्यो । नेपालले प्रस्तुत गरेको १ सय ९९ रनको विशाल लक्ष्य पछ्याउने क्रममा वल्भ्स १९ औं ओभरमा मात्र १ सय २७ रनमा […]
काठमाडौं (हाम्रो खेलकुद) – नेपाली पुरुष राष्ट्रिय क्रिकेट टोलीले आयरल्यान्ड वल्भ्सविरुद्ध दुई खेलको टि२० सिरिज २-० ले जितेको छ ।
टियु अन्तर्राष्ट्रिय क्रिकेट मैदानमा नेपालले ७१ रनको जित दर्ता गर्दै सिरिजमा जित हासिल गर्यो । नेपालले प्रस्तुत गरेको १ सय ९९ रनको विशाल लक्ष्य पछ्याउने क्रममा वल्भ्स १९ औं ओभरमा मात्र १ सय २७ रनमा अलआउट भयो ।
यसअघि पहिलो खेलमा नेपालले ६ विकेटको जित निकालेको थियो । जुनमा हुने आइसीसी टि२० विश्वकप अघि नेपालले घरेलु मैदानमा खेलेको यो नै अन्तिम खेल थियो । नेपालले अब भारतमा हुने फ्रेन्डसिप कप र त्यसपछि ओमानमा एसीसी मेन्स प्रिमियर कपमा प्रतिस्पर्धा गर्नेछ ।
मंगलबार भएको खेलमा आयरल्यान्डका लागि ओपनर स्टेफन डोहेनिले आक्रामक सुरुवात दिलाएका थिए । पाँचौ ओभरमा आयरल्यान्ड ४३-० को स्थितिमा रहँदा आउट हुनुअघि उनले १३ बलमा ४ चौका र १ छक्कासहित २६ रन जोडे । सोमपाल कामीले सुरुवाती विकेट लिएलगत्तै अर्को ओभरमा कुशलले रस अडेरलाई गुलशनको हातबाट क्याच आउट गरे ।
त्यसपछि आयरल्यान्डले रन जोड्न संघर्ष गर्यो । १२ औं ओभरमा केड कारमाइकल १८ बलमा १८ रन जोड्दै कुशल भुर्तेलको शिकार बने । कप्तान निल रक १७ र जोड्दै करणको बलमा क्याच आउट भए ।
समस्यामा परेको आयरल्यान्डले लगातार ३ विकेट गुमाउँदा जितबाट टाढा पुग्यो । मोर्गन टपिंग २१ रनमा स्टम्पिङ आउट भए । ग्याभिन होए १ र फिओन ह्यान्ड ५ रनमा पेभेलियन फर्किए ।
१९ औं ओभरमा नेपालले लगातार ३ विकेट लिँदै आयरल्यान्डलाई अलआउट गर्यो । पहिलो बलमा सोमपालले लियाम मकार्थीलाई बोल्ड गरे । त्यसपछि बेन ह्वाइटले पहिलो बलमै सोमपाललाई क्याच फिर्ता दिए । तेस्रो बलमा रोहितले ग्यारेथ डेलनीलाई नन स्ट्राइक एन्डमा रनआउट गरे ।
नेपालका लागि कुशल मल्ल र सोमपाल कामीले ३-३ विकेट लिए । विवेक यादव, कुशल भुर्तेल र करण केसीले १-१ विकेट हात पारे ।
त्यसअघि टस जितेर पहिलो ब्याटिङ गरेको नेपालले निर्धारित २० ओभरमा ७ विकेट गुमाउँदै १ सय ९८ रन जोड्यो । नेपालका लागि गुलशन झाले सर्वाधिक ४६ रन जोड्दा अन्य ३ ब्याटरले २५ रनको आँकडा पार गरेका थिए ।
ओपनर आसिफ शेख तेस्रो ओभरमा म्याथ्यु फोस्टरको बलमा आउट भए । ९ बलमा १ चौका र १ छक्कासहित ११ रन जोडेका उनी विकेटकिपरको हातबाट समातिए ।
पाँचौ ओभरमा अर्का ओपनर कुशल भुर्तेल पनि पेभेलियन फर्किए । फोस्टरकै बलिङमा कुशल मिड विकेटमा सहजै क्याच थमाउन पुगे । उनले १६ बलमा २-२ चौका र छक्कासहित २५ रन जोडे ।
सातौं ओभरमा अनिल शाह पनि आउट भए । उनी ११ बलमा १२ रन जोड्दै ठूलो सट खेल्ने धुनमा टप एज लाग्दै विकेटकिपरको हातबाट समातिए ।
चौथो विकेटका लागि कप्तान रोहित पौडेल र गुलशन झाले ७१ रनको साझेदारी गरे । गुलशन १४ औं ओभरमा आउट हुँदा नेपालले १ सय २९ रन जोडेको थियो । ३२ बलमा १ चौका र ४ छक्का प्रहार गरेका उनले सर्ट कभरमा सहजै क्याच दिए ।
कप्तान रोहित पनि १६ औं ओभरमा क्याच आउट नै भए । ग्याभिन होएको बलमा उनी पनि कभर क्षेत्रमा सहज क्याच दिएर पेभेलियन फर्किए । रोहितले २४ बलमा ५ चौकाका साथ ३३ रन बनाए ।
कुशल मल्ल आक्रामक इनिङ खेल्दै १८ औं ओभरमा क्याच आउट भए । उनले १३ बलमा ३४ रन जोड्ने क्रममा १ चौका र ४ छक्का प्रहार गरे ।
विवेक यादवले ८ बलमा विना कुनै बाउन्ड्री नटआउट ७ रन बनाए । सन्दीप जोराले इनिङको अन्तिम बलमा क्याच आउट हुनुअघि २१ रन जोडे । उनले ९ बलमा ४ चौका र १ छक्का जोडे ।
नेपालको प्लेइङ ११: रोहित पौडेल (कप्तान), आसिफ शेख, कुशल भुर्तेल, कुशल मल्ल, विवेक यादव, सन्दिप जोरा, अनिल शाह, गुलशन झा, करण केसी, सोमपाल कामी, अभिनाश बोहरा
बेन्च : आकाश चन्द, दीपेन्द्रसिंह ऐरी, ललित राजवंशी, प्रतिश जिसी
May 3, 2024
एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
काठमाडौं (हाम्रो खेलकुद) – वेस्ट इन्डिज ‘ए’ ले एक खेल बाँकी छँदै नेपाल विरुद्धको टि-२० सिरिज उपाधि जितेको छ । बिहिवार भएको चौथो खेलमा पनि जित दर्ता गर्दै पाहुना टोलीले एक खेल अगावै ३-१ ले सिरिज जितेको हो । पहिलो खेलमा हार बेहोरेको वेस्ट इन्डिज ‘ए’ ले लगातार तेस्रो जित दर्ता गर्ने क्रममा नेपाललाई २८ […]