default_image

3 weeks ago

March 29, 2024

धनगढी र सिइसीको लगातार दोस्रो जित

सुमन अधिकारी, बुटवल धनगढी क्रिकेट क्लब र पल्सर क्रिकेट एक्सलेन्स सेन्टर (सिइसी) काठमाण्डौ रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा शुक्रबार विजयी भएका छन् । समुह बी मा रहेका यी दुवै टोलीले लगातार दुई खेलमा जित हात पारेका छन् । पहिलो खेलमा धनगढी क्रिकेट क्लबले सेन्टर क्रिकेट एकेडेमी कास्कीलाई ३ विकेटले […]

44 views

0 Bookmark

सुमन अधिकारी, बुटवल

धनगढी क्रिकेट क्लब र पल्सर क्रिकेट एक्सलेन्स सेन्टर (सिइसी) काठमाण्डौ रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा शुक्रबार विजयी भएका छन् ।

समुह बी मा रहेका यी दुवै टोलीले लगातार दुई खेलमा जित हात पारेका छन् । पहिलो खेलमा धनगढी क्रिकेट क्लबले सेन्टर क्रिकेट एकेडेमी कास्कीलाई ३ विकेटले हरायो ।

दोस्रो खेलमा पल्सर सिइसीले न्यु होराईजन स्पोर्ट्स क्लब, बुटवललाई ५० रनले पराजित गरेको हो । दुवै टोलीले बिहीबार पनि जित निकालेका थिए ।

नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले आफ्नो बुबाको नामबाट आयोजित प्रतियोगिता रुपन्देहीको तिलोत्तमा निमार्णाधिन एक्स्ट्रा टेक ओभल अन्तराष्ट्रिय क्रिकेट मैदान भैरहेको छ ।

पहिलो खेलमा टस जितेर सेन्टर क्रिकेट एकेडेमी कास्कीले व्याटिङ गर्दै निर्धारित २५ ओभरमा ९ विकेटको क्षतिमा ८३ रन बनाएको थियो । जितका लागि ८४ रनको लक्ष्य पाएको धनगढीले २० ओभर २ बलमा ७ विकेटको क्षतिमा पुरा गर्यो ।

पहिले ब्याटिङ गरेको कास्कीका लागि सरोज खत्रीले १९ रन, नितेश गिरीले १३ रन बनाए‌ । धनगढीका सौर्य श्रेष्ठले ३, सचिन मल्लले २ र अशोक धामीले १ विकेट ल्याएका थिए ।

धनगढीको जितमा आकाश विष्टले ३२ रन, अशोक धामीले २२ रन नटआउटको योगदान गरेका थिए । बलिङतर्फ कास्कीका नितेश गिरी र रजत पौडेलले समान २ विकेट लिएका थिए । खेलमा नटआउट २२ रन तथा १ विकेट लिएका धनगढीका अशोक धामी म्यान अफ दी म्याच भएका थिए ।

दोस्रो खेलमा पल्सर सिइसीले दयानन्द मण्डलको ह्याट्रिकमा न्यु होराईजन स्पोर्ट्स क्लब, बुटवललाई ५० रनले पराजित गरेको हो ।

टस जितेर ब्याटिङ रोजेको सिइसीले २४ ओभरमा सबै विकेट गुमाउदै ९१ रन बनाएको थियो । जसमा सुमितसिंह बौडेलले २३ रन, प्रशान्त पण्डितले १८ रन जोडे। बलिङतर्फ न्यू होराइजनका निर्मल गुरुङले ३ तथा अमर मिश्राले २ विकेट लिएका थिए ।

जितका लागि पाएको ९२ रनको लक्ष्य लिएर मैदानमा उत्रेको न्यु होराईजन स्पोर्ट्स क्लब, बुटवल १४ ओभरमा मात्र ४० रन बनाउदै अल आउट हुन पुग्यो । न्यू होराईजनलाई सस्तोमा समेट्ने क्रममा सिइसीका दयानन्द मण्डलले ह्याट्रिकसहित एक्लै ७ विकेट लिएका हुन्। सिइसीका दयानन्द मण्डल म्यान अफ दी म्याच भएका थिए ।

शनिबार प्रतियोगिताको छनोट चरणको अन्तिम दुई खेल हुने छन् । जसमा पहिलो खेल धनगढी क्रिकेट क्लब र पल्सर सिइसी तथा दोस्रो खेल सेन्टर क्रिकेट एकेडेमी कास्की र न्यु होराईजन स्पोर्ट्स क्लब, बुटवलबीच हुनेछ ।

आइतबारबाट सेमिफाइनल सुरु हुने छ । प्रतियोगिताको लिग चरणका खेलहरु २५ ओभर तथा सेमिफाइनल र फाइनल खेल भने ४० ओभरको खेलाउनेछ।

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

April 17, 2024

आइपिएलमा दिल्लीसँग गुजरातको हार

एजेन्सी – दिल्ली क्यापिटल्सले इन्डियन प्रिमियर लिग (आइपिएल) मा तेस्रो जित हासिल गरेको छ । दिल्लीले बुधबार गुजरात टाइटेन्सलाई ६ विकेटले हराएको छ । टस जितेर फिल्डिङ रोज्ने दिल्लीको निर्णय सहि साबित भएको थियो । ९० रनको सामान्य लक्ष्य पछ्याएको दिल्लीले ६७ बल बाँकी रहँदा ४ विकेट गुमाएर ९२ रन बनाएको थियो । दिल्लीका लागि […]

Success

Thank you for your time.