default_image

2 weeks ago

March 30, 2024

आयरल्यान्ड वल्भ्सले एक खेल अगावै टि२० सिरिज जित्यो

काठमाडौं (हाम्रो खेलकुद) – आयरल्यान्ड वल्भ्सले नेपाल ए विरुद्ध जारी ३ खेलको टि२० सिरिज एक खेल अगावै जितेको छ । शनिबार टियु अन्तर्राष्ट्रिय क्रिकेट मैदानमा सम्पन्न दोस्रो खेलमा ४० रनको जित निकाल्दै वल्भ्सले सिरिज जित पक्का गरेको हो । वल्भ्सले प्रस्तुत गरेको २ सय २५ रनको विशाल लक्ष्य पछ्याउने क्रममा नेपाल ‘ए’ १८ औं ओभरमा […]

2506 views

0 Bookmark

काठमाडौं (हाम्रो खेलकुद) – आयरल्यान्ड वल्भ्सले नेपाल ए विरुद्ध जारी ३ खेलको टि२० सिरिज एक खेल अगावै जितेको छ । शनिबार टियु अन्तर्राष्ट्रिय क्रिकेट मैदानमा सम्पन्न दोस्रो खेलमा ४० रनको जित निकाल्दै वल्भ्सले सिरिज जित पक्का गरेको हो ।

वल्भ्सले प्रस्तुत गरेको २ सय २५ रनको विशाल लक्ष्य पछ्याउने क्रममा नेपाल ‘ए’ १८ औं ओभरमा १ सय ८४ रन जोड्दै अलआउट भयो । पछिल्लो खेल २१ रनले जितेको वल्भ्स लगातार दोस्रो जितका साथ २-० को अग्रता लिन सफल भयो । अन्तिम खेल सोमबार हुनेछ ।

नेपालका लागि ओपनर देव खनालले सर्वाधिक ४७ रन जोड्दा अन्य ब्याटरले ठूलो स्कोर खडा गर्न सकेनन् । लोकेश बमले आक्रामक सुरुवात दिलाएका थिए । १३ बलमा ३ चौका र २ छक्कासहित २५ रन जोडेका उनी चौथो ओभरको पहिलो बलमा आउट भए ।

कप्तान विनोद भण्डारीले पनि १३ बलमा २६ रन जोड्ने क्रममा ३ छक्का र १ चौका बनाए । उनी आउट हुँदा नेपाल ७ ओभरमा ९३-२ को स्थितिमा थियो । देव २५ बलमा ७ चौका प्रहार गर्दै बेन ह्वाइटको बलमा नवौं ओभरमा आउट भए ।

त्यसपछि किरण ठगुन्ना ३, आरिफ शेख १४, पवन सर्राफ १०, रशिद खान १ र विपिन खत्री १ ले निराश पारे ।

बसिर अहमद २३ बलमा ३ चौका सहित २७ रन जोडेर नवौं विकेटको रुपमा आउट भए । कमलले ११ रन बनाए ।

वल्भ्सका लागि बेन ह्वाइटले ३, फिओन ह्यान्ड र थोमस मेयसले २-२ तथा म्याथ्यु फोस्टर र ग्यारेथ डेलनीले १-१ विकेट लिए ।

त्यसअघि टियु क्रिकेट मैदानमा पहिलो ब्याटिङको निम्तो पाएको वल्भ्सले निर्धारित २० ओभरमा ६ विकेट गुमाएर २ सय २४ रन जोड्यो । वल्भ्सका कप्तान निल रक र पिजे मुरले अर्धशतक प्रहार गरे ।

रक ७१ बलमा नटआउट रहे । उनले ३४ बलमा १ चौका र ७ छक्का प्रहार गरे । फिओन ह्यान्डले ११ बलमा २ छक्कासहित नटआउट १९ रनको योगदान दिए ।

चौथो ओभरमा ओपनर जेम्स मक्कलम १३ बलमा ३ चौका र २ छक्कासहि २६ रन जोड्दै आउट भए । उनी सगर ढकालको बलमा विकेटकिपरबाट समातिए । त्यसको केहीबेरमा अर्का ओपनर रस अडेर पनि १७ रन जोड्दै सागरकै शिकार बने ।

स्टेफन डोहनी ४ र केड कार्माइकल १ रनमा आउट भएपछि आयरल्यान्ड ६६-४ को स्थितिमा पुगेको थियो । त्यसपछि पिटर मुरले कप्तान निल रकसँग ६१ रनको साझेदारी गरे । पुर् २६ बलमा ३ चौका र ७ छक्काको आक्रामक इनिङ खेल्दै बाउन्ड्रीमा समातिए ।

ग्यारेथ डेलानी १० रनमा आउट भए । नेपालका लागि सागर ढकालले ३ विकेट लिँदा कमल ऐरी र पवन सर्राफले १-१ विकेट हात परे ।

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

Success

Thank you for your time.