default_image

2 weeks ago

March 30, 2024

तालतलालाई इण्डो नेपाल टि ट्वान्टी क्रिकेट उपाधि

चितवन (हाम्रो खेलकुद)- भारतीय टोली तालतला इन्स्टिटाइट कोलकाताले चितवनको भरतपुरमा सम्पन्न इण्डो नेपाल टि ट्वान्टी च्याम्पियनसिप क्रिकेट प्रतियोगिताको उपाधि जितेको छ । गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शनिबार भएको फाइनलमा मधेश प्रदेशमाथि ३ रनको रोमाञ्चक जित निकाल्दै तालतलाले उपाधि जितेको हो । १ सय ८९ रनको लक्ष्य पछ्याएको मधेश प ८ विकेटको क्षतिमा १ […]

820 views

0 Bookmark

चितवन (हाम्रो खेलकुद)- भारतीय टोली तालतला इन्स्टिटाइट कोलकाताले चितवनको भरतपुरमा सम्पन्न इण्डो नेपाल टि ट्वान्टी च्याम्पियनसिप क्रिकेट प्रतियोगिताको उपाधि जितेको छ ।

गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शनिबार भएको फाइनलमा मधेश प्रदेशमाथि ३ रनको रोमाञ्चक जित निकाल्दै तालतलाले उपाधि जितेको हो ।

१ सय ८९ रनको लक्ष्य पछ्याएको मधेश प ८ विकेटको क्षतिमा १ सय ८५ रन मात्र बनाउन सकेपछि तालतला ३ रनले विजयी भएको हो ।

मधेशलाई जितका लागि अन्तिम ओभरमा २६ रन आवश्यक थियो । क्रिजमा रहेका थिए अभिषेक तिवारी । अन्तिम ओभरको पहिलो बलमा अभिषेकले रन जोड्न सकेनन् । दोस्रो बलमा पनि उनले रन लिएनन् ।

उनले तेस्रो र चौथो बलमा छक्का, पाचौं बलमा चौका र अन्तिम बलमा छक्का प्रहार गरे । अभिषेकले अविजित ४९ रन बनाएपनि टिमलाई जित दिलाउन सकेनन् । उनले २५ बलमा ४ छक्का र ४ चौका प्रहार गरे ।

विशाल सुसलिङ २२ बलमा ५० रनको अर्धशतकिय पारी खेले । उनले ६ छक्का प्रहार गरे । शाहिल पटेलले २९ बलमा ३६ रन बनाए ।

तालतलाका लागि सन्दीप गुप्ता ४ ओभरमा ३९ रन खर्चिदै ३ विकेट लिए । सौरभ यादव र अभिषेक सिंहले समान २ र विजय यादवले १ विकेट लिए ।

त्यसअघि टस हारेर पहिले ब्याटिङ गरेको तालतलाले विकास चौधरीको अर्धशतकको मद्दतमा ९ विकेट गुमाउँदै १ सय ८८ रन बनाएको थियो ।

विकासले ३७ बलमा ६ छक्का र ४ चौका प्रहार गर्दै ६७ रन बनाए । सन्दीप गुप्ताले २८ बलमा ३९ रन बनाए । रमन कदयनले २९ रन जोडे।

मधेशका अभिषेक तिवारीले ४ ओभरमा २८ रन खर्चिदै ४ विकेट लिए । विशाल पटेल, प्रजिभ यादव, भुलन सहनी र प्रदीप पासवानले समान १ विकेट लिए ।
तालतलाका सन्दीप गुप्ता फाइनलको प्लेयर अफ दि म्याच घोषित भए ।

भरतपुर महानगरपालिकाकी प्रमुख रेनु दाहाल र चितवन जिल्ला क्रिकेट संघका अध्यक्ष सुदिप पियाले विजेता, उपविजेता टोलीलाई पुरस्कृत गरे । चैत ८ गतेदेखि सुरु भएको प्रतियोगितामा २ भारतीय टोलीसहित ६ टोलीको सहभागिता थियो।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.