1 year ago
March 30, 2024
धनगढी (हाम्रो खेलकुद)- डडेल्धुराको आलिताल गाउँपालिकाले कैलाली प्रिमियर लिग (केपिएल) को उपाधि जितेको छ ।
कैलाली जिल्ला क्रिकेट संघको आयोजनामा धनगढीको फाप्ला क्रिकेट मैदानमा शनिबार आलितालले फाइनलमा छिमेकी पालिका डडेल्धुराकको पर्शुराम नगरपालिकालाई १ विकेट हराएको थियो।
आलितालले टस जितेर फिल्डिङ गर्ने निर्णय गरेको थियो । पहिला ब्याटिङको निम्तो पाएको पर्शुरामले निर्धारित २० ओभरमा सबै विकेट गुमाउँदै १ सय ७ रन जोडेको थियो ।
पर्शुरामका लागि यशकुमार कठायतले ३० बलमा सर्वाधिक ३२ रन बनाए । मान साउँद १९ बलमा २१ रन तथा महेन्द्र धामीले १० बलमा ११ रन जोडे।
आलिताल हिक्मत महराले ४ ओभरमा ७ रन र निरज ऐरले ४ ओभरमा २२ रन खर्चंदै समान ३ विकेट लिए।
१ सय ८ रनको लक्ष्य पछ्याउँदै ब्याटिङमा उत्रेको आलितालले निर्धारित २० ओभरमा १८.१ ओभर खेल्दै ९ विकेटको क्षति १ सय १० रन बनाउँदै १ विकेटले जित हासिल गरेको थियो।
आलितालका कप्तान दिलबहादुर बोहराले २० बलमा सर्वाधिक ३० रन बनाए । राजु रिजाल २८ बलमा २२ रन, दिपक टमटाले १४ रन र हृदय विठारीले १२ रन जोडे ।
पर्शुरामका महेन्द्र धामीले ४ ओभरमा १ मेडेनसहित २३ रन खर्चंदै सर्वाधिक ३ विकेट लिए । कप्तान कृष्ण विष्टले २ विकेट लिए ।
आलितालका हिक्मत महरा हिरो होन्डा प्लेयर अफ दी म्याच घोषित भए र १ हजार ५ सय रुपैयाँ प्राप्त गरे।आलितालले २ लाख रुपैयाँ र ट्रफी तथा पर्शुरामले १ लाख रुपैयाँ प्राप्त गरे।
प्रतियोगितामा पर्शुरामका कृष्ण विष्ट र राज विश्वकर्मा उत्कृष्ट ब्याटर चुनिए । कृष्ण र राजले समान १० हजार रुपैयाँ प्राप्त गरे। पर्शुरामकै अर्जुन बिक उदयीमान खेलाडी चुनिए। प्लेर अफ द सिरिज आलितालका कप्तान दिल बहादुर बोहोरा घोषित भए र २० हजार रुपैयाँ प्राप्त गरे ।
नेपाल क्रिकेट संघ (क्यान)का अध्यक्ष चतुर बहादुर चन्दले विजेता उपविजेता टोलीलाई पुरस्कृत गरे । अध्यक्ष चन्दले देशको क्रिकेट विकासमा सुदूरपश्चिमले ४० प्रतिशत योगदान दिइरहँदा पनि राज्यले भौतिक पूर्वाधारमा उपेक्षा गरिरहेको भन्दै असन्तुष्टि व्यक्त गरे ।
कैलाली जिल्ला कृकेट संघका अध्यक्ष विक्रम विष्टको अध्यक्षतामा सम्पन्न समापन समारोहमा पर्शुरामका मेयर भरत जोशी,आलितालका अध्यक्ष शेर सिंह पार्की,क्यानका केन्द्रिय सदस्य द्वय धिरेद्र साउँद र विरेन्द चन्द,धनगढी उपमहानगरपालिका वडा २ का अध्यक्ष धर्मराज ओझा र ४ का बुद्धि बहादुर खड्का ,सुदूरपश्चिम प्रादेशिक कृकेट संघका अध्यक्ष बासुदेव जोशी,सचीव लक्ष्मण भट्ट,कोषाध्यक्ष दिनेश सिंह लगायतको उपस्थिति थियो।
May 18, 2025
एजेन्सी – रिकी पोन्टिङले अवरुद्ध सिजनको चुनौतीको सामना कसरी गर्नुपर्दछ भन्ने राम्ररी बुझेका छन् । सन् २०२१ मा जब उनी दिल्ली क्यापिटल्समा थिए । उनले टोलीलाई तालिकाको शीर्षमा पुर्याएका थिए। त्यसपछि कोभिडका कारण सिजनबीचमा खेल स्थगित भएको थियो । आइपिएल फेरि सुरु हुँदा दिल्लीले आफ्नो लय कायम राख्दै शीर्ष दुईमा स्थान बनाएको थियो। तर प्लेअफमा […]
May 17, 2025
एजेन्सी – साविक विजेता कोलकाता नाइट राइडर्स इन्डियन प्रिमियर लिग (आइपिएल) को जारी सिजनबाट बाहिरिएको छ। रोयल च्यालेन्जर्स बैंगलुरु (आरसिबी) सँग शनिवारको खेल वर्षाका रद्द भएसँगै कोलकाता आइपिएलबाट बाहिरिएको हो। वर्षाका कारण टस पनि नभई खेल रद्द भएको हो । रद्दपछि दुबै टोलीले समान १ अंक बाँडेका थिए । १३ खेलमा १२ अंक छोडेपनि कोलकाता […]
May 17, 2025
सुमन अधिकारी, बुटवल लुम्बिनी प्रदेश क्रिकेट संघका अध्यक्ष संजय गुरुङविरुद्ध विशेष साधारण सभामार्फत अविश्वासको प्रस्ताव पारित भएको छ । संघको शनिवार कपिलवस्तुमा भएको विशेष साधारण सभामा गुरुङविरुद्ध दर्ता भएको अविश्वासको प्रस्ताव पारित भएपछि उनी पदमुक्त भएका छन् । २०८१ चैत्र २२ गते संघका उपाध्यक्ष विनय राजभण्डारी प्रस्तावक बस्दै ३१ जना प्रतिनिधिले हस्ताक्षर गरेर गुरुङविरुद्ध अविश्वासको […]
