default_image

2 weeks ago

March 31, 2024

चेन्नईलाई हराउँदै दिल्लीले दर्ता गर्यो पहिलो जित

एजेन्सी – दिल्ली क्यापिटल्सले इन्डियन प्रिमियर लिग (आइपिएल) मा पहिलो जित दर्ता गर्ने क्रममा चेन्नई सुपर किंग्सलाई पराजित गरेको छ । विशाखापटनममा शनिबार भएको खेलमा दिल्लीले चेन्नईलाई २० रनले हरायो । जितका लागि दिल्लीले प्रस्तुत गरेको १ सय ९२ रनको लक्ष्य पछ्याउने क्रममा चेन्नईले २० ओभरमा १ सय ७१ रन मात्र जोड्न सक्यो । सुरुवाती […]

3969 views

0 Bookmark

एजेन्सी – दिल्ली क्यापिटल्सले इन्डियन प्रिमियर लिग (आइपिएल) मा पहिलो जित दर्ता गर्ने क्रममा चेन्नई सुपर किंग्सलाई पराजित गरेको छ ।

विशाखापटनममा शनिबार भएको खेलमा दिल्लीले चेन्नईलाई २० रनले हरायो । जितका लागि दिल्लीले प्रस्तुत गरेको १ सय ९२ रनको लक्ष्य पछ्याउने क्रममा चेन्नईले २० ओभरमा १ सय ७१ रन मात्र जोड्न सक्यो । सुरुवाती दुवै खेल जितेको चेन्नईले भने सिजनको पहिलो हार बेहोर्यो ।

दुवै ओपनरलाई तेस्रो ओभरभित्र गुमाएको चेन्नई त्यसपछि खेलमा फर्कन सकेन । कप्तान रुतुराज गैक्वाद र रचिन रविन्द्र दुवै खलिल अहमदको बलमा क्याच आउट हुँदा चेन्नई ७-२ को स्थितिमा पुगेको थियो ।

तेस्रो विकेटका लागि अजिंक्या रहाने र डेरील मिचेलले ६८ रनको साझेदारी गरे । मिचेल २६ बलमा ३४ रन जोड्दै आउट भए । १ चौका र २ छक्का प्रहार गरेका उनी अक्षर पटेलकै बलमा क्याच फिर्ता दिएर आउट भए ।

रहाने ३० बलमा ५ चौका र २ छक्कासहित ४५ रन जोडेर पेभेलियन फर्किए । शिवम दुवेले १७ बलमा १८ रन जोड्दा युवा ब्याटर समिर रिज्भी पहिलो बलमै आउट भए । तीनै विकेट मुकेश कुमारको नाममा रह्यो ।

धोनी र जडेजाले अन्त्यतिर आवश्यकता अनुसार आक्रामक ब्याटिङ गर्न नसक्दा चेन्नई सिजनको पहिलो हार बेहोर्न पुग्यो । धोनी १६ बलमा ३७ रन जोड्दै क्रिजमा रहे । ४ चौका र ३ छक्का प्रहार गरेका उनले अन्तिम ओभरमा मात्र २० रन प्रहार गरेका थिए । जडेजा १७ बलमा २१ रन जोड्दै नटआउट रहे ।

त्यसअघि कप्तान ऋषभ पन्त र ओपनर डेविड वार्नरको अर्धशतकमा दिल्लीले २० ओभरमा ५ विकेट गुमाउँदै १ सय ९१ रन बनाएको थियो । वार्नर र पृथ्वी शाले पहिलो विकेटका लागि ९३ रनको साझेदारी गर्दै बलियो सुरुवात दिलाए ।

दशौं ओभरमा कट बिहाइन्ड हुनुअघि शाले २७ बलमा ४ चौका र २ छक्कासहित ४३ रन जोडे । वार्नर अर्को ओभरमा मुस्ताफिजुर रहमानको शिकार बने । उनले ३५ बलमा ५२ रन जोड्ने क्रममा ५ चौका र ३ छक्का प्रहार गरे ।

ऋषभले त्यसपछि संयमित ब्याटिङ गर्दै अन्तिम ओभरतिर रन गति बढाए । उनी १९ औं ओभरमा क्याच आउट भए । ३२ बलमा ४ चौका र ३ छक्का प्रहार गरेका पन्तले ५१ रन जोडे । मिचेल मार्श १८, अक्षर पटेल ७ र अभिषेक पोरेलले ९ रन जोडे । चेन्नईका मथिसा पथिरानाले ३ तथा रविन्द्र जडेजा र रहमानले १-१ विकेट लिए ।

यससँगै चेन्नईको ३ खेलमा ४ अंक छ भने दिल्लीको ३ खेलमा २ अंक भएको छ । अब आइपिएलमा मुम्बईले मात्र जित दर्ता गर्न बाँकी छ । सोमबार मुम्बई र राजस्थान खेल्नेछन् ।

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

Success

Thank you for your time.