default_image

3 weeks ago

April 1, 2024

वल्भ्समाथि नेपाल ‘ए’ को रोमान्चक जित

काठमाडौं (हाम्रो खेलकुद) – नेपाल ‘ए’ ले आयरल्यान्ड वल्भ्सविरुद्ध जारी टि२० सिरिजको तेस्रो खेलमा रोमान्चक जित दर्ता गरेको छ । टियु अन्तर्राष्ट्रिय क्रिकेट मैदानमा सोमबार नेपाल ए ले ३ रनको जित दर्ता गरेको हो । नेपालले प्रस्तुत गरेको २ सय १४ रनको लक्ष्य पछ्याउने क्रममा वल्भ्स २० ओभरमा ७ विकेट गुमाएर २ सय १० रन […]

4580 views

0 Bookmark

काठमाडौं (हाम्रो खेलकुद) – नेपाल ‘ए’ ले आयरल्यान्ड वल्भ्सविरुद्ध जारी टि२० सिरिजको तेस्रो खेलमा रोमान्चक जित दर्ता गरेको छ ।

टियु अन्तर्राष्ट्रिय क्रिकेट मैदानमा सोमबार नेपाल ए ले ३ रनको जित दर्ता गरेको हो । नेपालले प्रस्तुत गरेको २ सय १४ रनको लक्ष्य पछ्याउने क्रममा वल्भ्स २० ओभरमा ७ विकेट गुमाएर २ सय १० रन बनायो ।

अन्तिम ओभरमा २० रन आवश्यक परेको स्थितिमा वल्भ्सले १६ रन मात्र जोड्न सकेको थियो । अन्तिम बलमा ५ रन चाहिएको अवस्थामा रशिद खानले १ रन मात्र दिएपछि नेपालले जित हासिल गरेको हो ।

यससँगै सिरिज आयरल्यान्डले २-१ को अन्तरमा जित्यो । वल्भ्सले पहिलो खेलमा २१ रन र दोस्रो खेलमा ४० रनको जित दर्ता गर्दै सिरिज आफ्नो पक्षमा पारिसकेको थियो । बुधबारदेखि ३ खेलको एकदिवसीय सिरिज सुरु हुनेछ ।

फिओन ह्यान्डले ७ बलमा २२ रनको आक्रामक इनिङ खेलेपनि उनी अन्तिम ओभरको पाँचौ बलमा रनआउट भए । उनले त्यसअघि १ चौका र २ छक्का प्रहार गर्दै वल्भ्सलाई खेलमा कायम राखेका थिए ।

त्यसअघि स्पिनर विपिन खत्रीले चौथो ओभरमा दुवै ओपनरलाई पेभेलियन फर्काएर आयरल्यान्डको आक्रामक सुरुवातमा ब्रेक लगाए । उनले दोस्रो बलमा जेम्स मक्कलमलाई ७ रनमा आउट गरे । त्यसपछि पाँचौ बलमा रस अडेर पनि पेभेलियन फर्किए । उनले १४ बलमा ५ चौका र १ छक्कासहित ३१ रन बनाए ।

छैटौं ओभरमा पिटर मुर २ रन जोड्दै विपिनकै शिकार बने । कप्तान निल रक ८ बलमा २ रन जोड्दै नारायण जोशीको पहिलो बलमा क्याच आउट भए । त्यसपछि मोर्गन टपिङ्ग र ग्यारेथ डेलानीले राम्रो साझेदारी गरे ।

पाँचौ विकेटका लागि यी दुईले १ सय २९ रनको साझेदारी निर्माण गरे । १८ औं ओभरमा मोर्गन रशिद खानको बलमा बाउन्ड्रीनजिक क्याच आउट भए । उनले ३७ बलमा ४ चौका र ४ छक्कासहित ६० रनको योगदान दिए ।

१९ औं ओभरमा कमल सिंह ऐरीले ग्यारेथ डेलानीलाई आउट गर्दै नेपाललाई खेलमा बलियो स्थितिमा पुर्याए । अन्तिम २ ओभरमा ३२ रन आवश्यक पर्दा सेट ब्याटर डेलानी ६८ रनमा आउट भए । उनले ३७ बलमा ५ चौका र ५ छक्का प्रहार गरे ।

नेपालका लागि विपिन खत्रीले १ मेडनसहित २३ रन खर्चेर ३ विकेट लिए । कमल ऐरी र नारायण जोशीले १-१ विकेट बाँडे ।

त्यसअघि आरिफ शेखको अर्धशतकमा पहिलो ब्याटिङको निम्तो पाएको नेपाल ‘ए’ ले २० ओभरमा ७ विकेट गुमाएर २ सय १३ रन जोडेको थियो । नेपालका लागि आरिफ शेखले नटआउट ९३ रनको योगदान दिए । उनले ४८ बलमा ७ चौका र ६ छक्का प्रहार गरेका थिए ।

आरिफ ३३-३ को स्थितिमा क्रिजमा आएर अन्त्यसम्म डटेर खेले । उनले मध्यक्रममा बसिर अहमदसँग साझेदारी गर्दै बलियो योगफलसम्म पुग्न आधार तयार गरे । अन्त्यतिर राशिद र कमल सिंह ऐरीसँग उनले आक्रामक साझेदारी गरे ।

ओपनर देव खनाल (६) दोस्रो ओभरमा ६ रन जोड्दै कट बिहाइन्ड भए । त्यसको २ बल पछि अर्का ओपनर लोकेश बम (८) पनि विकेटकिपरको हातबाट समातिए । कप्तान विनोद भण्डारी ११ रन जोड्दै पाँचौ ओभरमा आउट भएपछि नेपाल ३३-३ को स्थितिमा पुग्यो ।

बसिर र आरिफले चौथो विकेटका लागि ५७ रनको साझेदारी गरे । ११ औं ओभरमा बसिर १९ रन जोड्दै एलबीडब्लु आउट भए । पवन सर्राफले १२ बलमा १३ रन जोडे । लगत्तै नारायण जोशी १ रन जोड्दै नन स्ट्राइक एन्डमा रनआउट हुन पुगे ।

राशिद खानले १३ बलमा ३ छक्कासहित २४ रन जोडे । बाउन्ड्रीनजिक क्याच आउट हुनुअघि उनले आरिफसँग ४६ रनको साझेदारी गरे । त्यसपछि कमलसिंह ऐरीले ७ बलमा २ चौका र १ छक्कासहित नटआउट १९ रन बनाए ।

फिओन ह्यान्डले २ विकेट लिँदा लियाम मकार्थी, म्याथ्यु फोस्टर, ग्यारेथ डेलनी र ग्याभिन होएले १-१ विकेट हात पारे ।

नेपाल ‘ए’ टि२० टोली : विनोद भण्डारी (कप्तान), लोकेश बम, देव खनाल, पवन सर्राफ, आरिफ शेख, नारायण जोशी, बसिर अहमद, राशिद खान, सागर ढकाल, विपिन खत्री, कमल सिंह ऐरी,

बेन्च : हेमन्त धामी, विकास आग्री, किरण ठगुन्ना, अर्जुन घर्ती

आयरल्यान्डको टोली :

निल रक (कप्तान), रस अडेर, ग्यारेथ डेल्नी, म्याथ्यु फोस्टर, फिओन ह्यान्ड, ग्याभिन होए, म्याथ्यु हम्फ्रिज, लियाम मकार्थी, जेम्स मक्कोलम, पिजे मुर, मोर्गन टपिङ

बेन्च : बेन व्हाइट, टम मेयस, केड कारमाइकल, स्टेफन डोहेनी

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.