4 months ago
April 2, 2024
सुमन अधिकारी, बुटवल,
धनगढी क्रिकेट एकेडेमी (डिसिए) छैटौं खड्ग प्रसाद गौचन मेमोरियल यु १९ क्रिकेट प्रतियोगिताको उपाधि जितेको छ ।
फाइनलमा मंगलबार पल्सर सिइसी काठमाण्डौलाई १७ रनले पराजित गर्दै धनगढी च्याम्पियन बनेको हो ।
रुपन्देहीको तिलोत्तमामा निमार्णाधिन एक्स्ट्राटेक ओभल क्रिकेट मैदानमा टस जितेर पहिले ब्याटिङ गरको धनगढीले ३२.५ ओभरमा सबै विकेट गुमाउँदै १ सय ५० रन बनाएको थियो।
धनगढीका अशोक धामीले अर्धशतक बनाएका थिए। सिइसीका दयानन्द मण्डलले ३, करण घर्ती मगर र स्मित बुढाले समान २ विकेट लिएका थिए ।
१ सय ५१ रनको लक्ष्य पाएको सिइसी ३५ ओभरमा अल आउट हुँदै १ रन ३३ रन मात्र बनाउन सक्यो।
सिइसीका लागि सुमित सिंह बुढाले ४१ र स्मित बुढाले ४० रन बनाएका थिए । अन्य ब्याटरले दोहोरो अंकमा रन जोड्न सकेनन् । धनगढीका निसान रेग्मीले ४ र सौर्य श्रेष्ठले २ विकेट लिए ।
सिइसीका निसान रेग्मी फाइनलको प्लेयर अफ दि म्याच बने । सिइसीका समिर विष्ट प्लेयर अफ द सिरिज, सिइसीकै दयानन्द मण्डल बेस्ट बलर र मदन भणडारी स्पोर्ट्स एकेडेमीका विजय प्रजापतिले बेस्ट ब्याटर घोषित भए ।
धनगढीले ट्रफीसहित ५० हजार र सिइसीले २५ हजार रुपैयाँ प्राप्त गर्यो । विजेता, उपविजेता टोलीलाई लुम्बिनी प्रदेश खेलकुद परिषदका सदस्य सचिव जयप्रकाश भट्टराई, नेपाल क्रिकट संघका पूर्व कार्यवहाक सचिव प्रशान्त विक्रम मल्ल, प्रदेश क्रिकेट संघका अध्यक्ष संजय गुरुङ, जिल्ला क्रिकेट संघका अध्यक्ष हरिबहादुर थापालगायतले पुरस्कृत गरे ।
समापनमा रुपन्देहीमा क्रिकेटको विकासमा २५ वर्षदेखि योगदान दिदैं आएका क्रिकेट प्रशिक्षक जंग बहादुर थापालाई लाईभ टाईम एचिभमेन्ट अवार्डबाट सम्मान गरिएको थियो ।
आफ्नो बुवाको स्मृतिमा प्रतियोगिता आयोजना गरेका पूर्व अन्तर्राष्ट्रिय क्रिकेटर शक्ति गौचनले छैंटौं संस्करण थप उपलब्धिमुलक बनेको अनुभव सुनाए। उनले प्रतियोगिताले युवा खेलाडीलाई प्लेटफर्म दिएको र आफूले पनि सबैबाट सहयोग पाएको बताए ।
प्रतियोगितामा फाइनल पुगेका दुई टोलीसहित स्टार क्रिकेट एकेडेमी, बोस्टन क्रिकेट क्लब, बिएमडब्लु वेष्ट्रन क्रिकेट एकेडेमी, मदन भण्डारी स्पोर्ट्स एकेडेमी, कास्की जिल्ला क्रिकेट संघ त न्यु होराईजन स्पोर्ट्स क्लब गरि ८ टोलीको सहभागिता थियो।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]