काठमाडौं (हाम्रो खेलकुद) – नेपाल ‘ए’ ले आयरल्यान्ड वल्भ्सविरुद्ध एकदिवसीय सिरिजको दोस्रो खेलमा टस जितेको छ ।नेपालका कप्तान विनोद भण्डारीले टस जितेर पहिलो फिल्डिङ रोजेका छन् ।

नेपालले आजको खेलमा अर्जुन कुमाल, रंजित कुमार, रुपेश सिंह र विकास आग्रीलाई विश्राम दिएको छ ।

नेपालका लागि कप्तान विनोद भण्डारी, नरेन भट्ट, देव खनाल, भीम सार्की, आरिफ शेख, अर्जुन साउद, साहब आलम, बसिर अहमद, रिजन ढकाल, कमल सिंह ऐरी र मौसम ढकाल खेल्दैछन् ।

आयरल्यान्डले रस अडेर, म्याथ्यु फोस्टर, केड कार्माइकल र बेन व्हाइटलाई विश्राम दिएको छ ।

टोलीमा निल रक, ग्यारेथ डेलनी, ग्याभिन होए, स्टेफन डोहनी, फिओन ह्यान्ड, म्याथ्यु हम्फ्रिज, टम मेयस, लियाम मकार्थी, जेम्स मकलम, पिजे मुर र मोर्गन टपिङ्ग छन् ।

नेपाल पहिलो २१ रनले पराजित भएको थियो । वल्भ्सले प्रस्तुत गरेको १ सय ५८ रनको लक्ष्य पछ्याउने क्रममा नेपाल २६ औं ओभरमा मात्र १ सय ३६ रनमा अलआउट भयो ।

नेपालको मध्यक्रमका ब्याटरले बिर्सनलायक प्रदर्शन गर्दा नेपाल ‘ए’ हारको सामना गर्न पुगेको थियो ।आयरल्यान्ड वल्भ्सले टि२० सिरिज २-१ ले जितेको थियो । एकदिवसीय सिरिजको अन्तिम खेल आइतबार हुनेछ ।