बंगलोर (एजेन्सी)- भारतले अन्तिम टि ट्वान्टी क्रिकेटमा इङ्ल्यान्डलाई ७५ रनले हराएको छ । तीनवटा टि ट्वान्टीको श्रृंखलामा भारतले २-१ले कब्जा गरेको छ। २ सय ३ रनको लक्ष्य पछ्याएको इङ्ल्यान्डले सम्पूर्ण विकेट गुमाउदै १सय २७ रन जोडेको थियो । युजभेन्द्र चाहाल अन्तिम खेल तथा प्रतियोगिताकै उत्कृट खेलाडी चुनिए।
खेलको पहिलो ईनिंगमा टस हार्दै ब्याटिंगको निम्तो पाएको भारतले पुरा २० ओभर खेल्दै २ सय २ रन बनाएको थियो । भारतका लागि तेस्रो नम्बरमा ब्याटिंग गर्न आएका सुरेश रैनाले सर्बाधिक ६३ र चौथो नम्बरमा ब्याटिंग गर्न आएका धोनीले ५६ रनको योगदान गरेका थिए। छ विकेट गुमाएको भारतका लागि युवराज सिंहले २७, लोकेश राहुलले २२, हार्दिक पाण्डेयले ११, रिशव पन्तले ५ तथा कप्तान बिराट कोहलीले २ रन प्रहार गरेका थिए।
इंग्ल्यान्डकालागि मिल्स, प्लंकिट, जोर्डन र स्टोक्सले १-१ विकेट लिएका थिए।२०३ रनको लक्ष्य लिएर उत्रेको इंग्ल्यान्डको सुरुवातनै राम्रो हुन सकेन, ओपनर ब्याट्सम्यान बिल्लिंग खाता नखोली आउट भए। १६.३ ओभरमा सम्पूर्ण विकेट गुमाउदै १२७ रन बनाएको पाहुना टोलीका तीन ब्याट्सम्यानले मात्र दोहोरो अंक छुन सके, इंग्ल्यान्डकालागि रूटले सर्वाधिक ४२, मोर्गनले ४० र रोयले ३२ रनको योगदान दिएका थिए। भारतकालागि चाहालले ६ विकेट लिए भने बुम्राहले तीन र मिश्राले १ विकेट लिए।
