3 months ago
April 18, 2024
काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ।
लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।
माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा गर्यो।
ओपनरद्वय इश्वर क्षेत्री र अर्जुनले पहिलो विकेटको लागि ७६ रनको साझेदारी गरे। यही साझेदारी सहज जितको आधार बन्यो। इश्वर ३२ रनमा आउट भए। दीपक डुम्रेले ११ रन बनाए।
अर्जुनले भने नटआउट ४९ रनमा क्रिजमा रहँदै टोलीलाई पहिलो जितको स्वाद चखाउन सफल रहे। उनले ५१ बलको सामना गर्दै ३ चौका र १ छक्का प्रहार गरे । बलिङमा मधेशका विशाल पटेलले मात्र १ विकेट लिए।
त्यसअघि टस जितेर पहिले ब्याटिङ गरेको मधेशले २० ओभरमा ९ विकेट गुमाउँदै मात्र १ सय २ रन बनायो। लगातार दुई जित निकालेको मधेशको हारको प्रमुख कारण खराब ब्याटिङ नै बन्यो।
उसको लागि विशाल शुसलिङ्गले सर्वाधिक २४ रन जोड्दा विशाल पटेलले २० रन, म्यान यादवले १८,प्रदीप पासवानले १४ र अरनिको यादवले १३रन बनाए। यसबाहेक अन्यले दोहोरो रन छुन सकेनन्।
बलिङमा विपिन खत्री नायक बने। उनले ४ ओभर बलिङ गर्दै १ मेडम सहित मात्र ५ रन खर्चेर ४ विकेट लिए। यस्तै सुबाश भण्डारीले २ तथा कमल परियार र सन्दीप क्षेत्रीले १/१ विकेट लिए। विपिन प्लेयर अफ दी म्याच चुनिए।
३ खेल खेलेर पहिलो जित हासिल गरेको गण्डकीले अंकको खाता खोल्दै ३ अंक बनाएको छ। यसअघि गण्डकी बागमतीसँग ६७ रनले र लुम्बिनीसँग ७ विकेटले हारेको थियो।
लगातार ३ जितका साथ सानदार सुरूवात गरेको मधेशको भने यो पहिलो हार हो। उसले पहिलो खेलमा बाग्मतीलाई ६ विकेटले र लुम्बिनीलाई २७ रनले हराएको थियो।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]