default_image

4 weeks ago

April 21, 2024

सुदूरपश्चिमको जितमा कोशीको तेस्रो हार

608 views

0 Bookmark

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा सुदूरपश्चिम प्रदेशले कोशी प्रदेशलाई रोमाञ्चक खेलमा ३ रनले हराएको छ। सुदूरको यो लगातार दोस्रो जित हो। कोशीको भने यो लगातार तेस्रो हार हो।

जितको लागि १ सय ५४ रनको लक्ष्य पछाएको कोशी प्रदेश २० ओभरमा ५ विकेट गुमाउँदै १ सय ५१ रनमा समेटिदै ३ रनको झिनो अन्तरको हार बेहोर्न बाध्य भयो। टप अर्डरका खेलाडीहरूले राम्रो प्रदर्शन गर्न सकेनन्।

ओपनर मिनास थापाले ३४ रन बनाए। कप्तान अंकित सुवेदी १ रनमा, भुपाल दंगाल १२ रनमा, सुजन थपलिया ८ रनमा र समिर कार्की २२ रनमा आउट भए। यतिखेर ५ विकेट गुमाउँदा कोशीले ९८ जोडेको थियो।

त्यसपछि श्रवण यादव र दीपेश कँडेलले जिततर्फ डोर्याउने भरपुर कोशिस गरे। जुन प्रयाप्त हुन सकेन। पाँचौ विकेटको लागि यी दुईले ५३ रनको नटआउट साझेदारी गरे। अन्तिम ओभरमा जितको लागि १५ रन जरूरी थियो। अन्तिम ओभरको ५ बल सकिंदा दुई चौका सहित १० रन बनाएको थियो।

अन्तिम बलमा जितको लागि ५ रन जरूरी थियो। छक्का हान्ने दबाब दीपेशलाई थियो। तर उनले मात्र एक रन जोडे। यो सँगै कोशी ३ रनले पराजित हुन पुग्यो। श्रवण ४६ र दीपेश २१ रनमा नटआउट रहे। बलिङमा नारायण जोशीले २ विकेट लिए।

त्यसअघि माथिल्लो मुलपानी मैदानमा टस हारेर पहिले ब्याटिङ गरेको सुदूरपश्चिम प्रदेशले २० ओभरमा ७ विकेट गुमाएर १ सय ५४ रनको स्कोर खडा गर्यो।
ओपनरद्वय अभिषेक पाल र गजेन्द्र बोहोराले पहिलो विकेटको लागि ५९ रनको साझेदारी गरे।

गजेन्द्र २९ रनमा अंकित सुवेदीको बलमा बोल्ड आउट भए। तर अर्का ओपनर अभिषेक क्रिजमा टिके। उनले अर्धशतकीय पारी खेले। उनले ४१ बल खेल्दै ५ चौका र ३ छक्का सहित टिमको लागि सर्वाधिक ६० रन जोडे। यसपछि दीपक बोहरा नटआउट ३२ रनमा क्रिजमा रहे।

बलिङमा अंकित सुवेदी र ज्ञानेन्द्र श्रेष्ठले समान २ विकेट लिए। दुवैले ४ ओभर बलिङ गरे भने अंकितले २२ र ज्ञानेन्द्रले ३५ रन खर्चिए।

३ खेल खेलेको सुदूरको यो दोस्रो जित हो। उसले ४ अंक बनाएको छ। लगातार तेस्रो खेलमा पराजित कोशीले अंकको खाता खोल्न सकेको छैन।

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.