default_image

4 weeks ago

April 22, 2024

गण्डकीमाथि कर्णालीको रोमान्चक जित

283 views

0 Bookmark

काठमाडौं (हाम्रो खेलकुद) – रविन्द्र शाही र विपिन रावलको शतकीय साझेदारीमा कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमा गण्डकी प्रदेशलाई ५ रनको झिनो अन्तरमा हराएको छ।

कर्णालीको यो लगातार तेस्रो जित हो। उसको जितमा विपिनले ६८ रनको पारी खेले। गण्डकीका अर्जुन कुमालले ७० रन जोडे पनि टिमलाई हार बाट जोगाउन सकेनन्।

माथिल्लो मुलपानी मैदानमा जितको लागि १ सय ६९ रनको लक्ष्य पछाएको गण्डकी २० ओभरमा ४ विकेट गुमाउँदै १ सय ६३ रनमा समेटियो।

अर्जुन र ईश्वर क्षेत्रीले पहिलो विकेटको लागि ५० रनको साझेदारी गरे। ईश्वर १२ रनमा आउट भए। लगतै दीपक डुम्रे १४ र रोशन गौतम २३रनमा आउट भए। क्रिजमा टिकिराखेका अर्जुनले अर्धशतकीय पारी खेले। ५५ बल खेल्दै ७ चौका र १ छक्का सहित ७० रन जोडेर रन आउट हुन पुगे।

यतिखेर गण्डकीले १ सय ३४ रन बनाइसकेको थियो। यसपछि गण्डकीलाई जितको लागि १८ बलमा ३५ रन बनाउनु थियो। जुन हुन सकेन। क्रिजमा कप्तान विपिन खत्री र सन्दीप क्षेत्री थिए।

१८औं ओभरमा मात्र ४ रन र १९ औं ओभरमा ९ रन बन्यो। अन्तिम ओभरमा जितको लागि २२ रन बनाउनुपर्ने थियो। जहाँ सन्दीपले एक छक्का, दुई चौका र र रन बटुलेर खेललाई रोमाञ्चक बनाए। उनले ५ बलको समाप्तीमा १६ रन बनाइसकेका थिए।

अन्तिम बलमा छक्का प्रहार गरे गण्डकीले जित हात पार्ने थियो। तर यो बलमा रन बन्न सकेन र गण्डकी ५ रनको हार बेहोर्न बाध्य भयो। बलिङमा दिवान पुन, दीपेन्द्र रावत र प्रकाश जैसीले समान १ विकेट लिए।

त्यसअघि टस जितेर पहिले ब्याटिङ गरेको कर्णाली प्रदेशले २० ओभरमा ४ विकेट गुमाउँदै १ सय ६८ रन बनाएको थियो।

रविन्द्र शाही र विपिन रावलको शतकीय साझेदारीमा कर्णालीले उत्कृष्ट सुरूवात गर्यो। यी दुईले पहिलो विकेटको लागि १ सय १ रनको साझेदारी गरे। रविन्द्र ३३ रनमा आउट भए।

अर्धशतक बनाएका विपिनले ६८ रनको पारी खेले। उनले ३३ बलको सामना गर्दै ४ चौका र ५ छक्का प्रहार गरे। दिनेश अधिकारी अविजित २९ रनमा रहदा अर्जुन घर्तीले २८ रन बनाए।

बलिङमा अमृत गुरूङले ४ ओभर बलिङ गर्दै ३६ रन खर्चेर ४ विकेट लिए। उनी बाहेक अन्यले विकेट लिन सकेनन। यो खेलमा कर्णालीका विपिन प्लेयर अफ दी म्याच बने।

प्रतियोगिताको सुरूवात कर्णालीले हारबाट गरेपनि सानदार कमब्याक गर्न सफल भएको छ। पहिलो खेलमा लुम्बिनीसँग ७ विकेटले हारेको थियो।

यसपछि लगातार तीन खेल जितेर अंक तालिकाको शीर्षस्थानमा रहेको लुम्बिनीले जतिकै समान ६ अंक बनाएको छ। ५ खेल खेलेको गण्डकीको भने यो चौथो हार हो। उसको मात्र २ अंक छ।

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.