default_image

1 month ago

April 23, 2024

मधेशको जित, कोशीको लगातार चौथो हार

231 views

0 Bookmark

काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ।

९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ रनमा आउट भए। यसपछि निरन्तर विकेट झर्यो।

म्यान यादव २ रनमा तथा त्यसपछि कप्तान राहुल मण्डल, अरनिको यादव र विशाल सुश्लिङ्ग शुन्यमा आउट भए। टोलीले ५ विकेट गुमाउँदा मात्र १८ रन बनाएको थियो। लगतै प्रदीप पासवान पनि १ रनमा पबिलियन फर्केपछि मधेशले निकै संघर्ष गर्यो।

यसपछि ओपनर रोहन विकेलाई आठौं क्रमका विशाल पटेललेसाथ दिए। उनीहरूले सातौं विकेटको लागि ५९ रनको साझेदारी गर्दै मधेशलाई जिततर्फ डोर्याए। विशालले २५ बल खेल्दै ५ चौका सहित सर्वाधिक ३७ रन जोडे। यस्तै रोहन अविजित ३१ रनमा रहे।

बलिङमा श्रवण यादवले ४ र दीपेश कँडेलले ३ विकेट लिएपनि टिमलाई जित दिलाउन सकेनन्। श्रवणले ४ ओभर बलिङ गर्दै १ मेडन सहित ४ विकेट लिएका थिए।
त्यसअघि पहिले ब्याटिङ गरेको कोशीले २० ओभरमा ९ विकेट गुमाउँदै ९० रन बनाएको थियो। उसको लागि समिर कार्कीले सर्वाधिक २८ र श्रवण यादवले २७ रन जोडे। त्अनमय कुनैपनि खेलाडी क्रिजमा टिक्न सकेनन्।

कोशीलाई ९० रनमा समेट्न विशाल पटेल, अभिषेक तिवारी, रञ्जित कुमार, प्रदीप पासवानले समान २ विकेट लिए। यो जितमा मधेशले ६ अंक बनाएको छ। कोशीको भने यो लगातार चौथो हार हो।

May 28, 2024

नेपाल क्यानाडासँग पराजित

ड्यालस (हाम्रो खेलकुद) – आइसिसी टि-२० विश्वकपको वार्म अप अन्तर्गत पहिलो खेलमा नेपाल क्यानाडासँग पराजित भएको छ । ड्यालस स्थित ग्रान्ड प्रेरी क्रिकेट मैदानमा सोमबार भएको खेलमा नेपाल ६३ रनको फराकिलो अन्तरले पराजित भएको हो । क्यानाडाले दिएको १ सय ८४ रनको बलियो लक्ष्य पछ्याएको नेपाल १९.३ ओभरमा १ सय २० रनमा समेटिन पुग्यो । […]

May 27, 2024

नेपाललाई क्यानाडाविरुद्ध बलियो लक्ष्य

ड्यालास (हाम्रो खेलकुद) – आइसिसी टि-२० विश्वकप अन्तर्गत आफ्नो पहिलो वार्म अप खेलमा नेपालले क्यानाडाविरुद्ध बलियो लक्ष्य पाएको छ । ग्रान्ड प्रेरि मैदानमा टस हारेर पहिला ब्याटिङ गरेको क्यानाडाले निर्धारित २० ओभरमा ७ विकेटको क्षतिमा १ सय ८३ रन बनाएको छ । अन्तिम केही ओभरमा नेपाली बलर महंगो सावित हुँदा क्यानाडाले बलियो योगफल खडा गरेको […]

May 27, 2024

दीपेन्द्रसहित ग्रेसको विश्वकप गीत सार्वजनिक

काठमाडौं (हाम्रो खेलकुद) – अलराउन्डर दीपेन्द्र सिंह ऐरी ब्राण्ड एम्बेसडर रहेको ग्रेस इन्टरनेसनलले यसै साता सुरु हुने आइसीसी मेन्स टि२० विश्वकपको लागि विश्वकप विशेष गीत सार्वजनिक गरेको छ । एक दशकपछि टि२० विश्वकप खेल्न लागेको नेपाली टोलीको हौसला बढाउन तथा समर्थकहरुमा उत्साह थप्न गित सार्वजनिक गरिएको हो । विश्वभरका क्रिकेट प्रेमीहरुको ध्यान विश्वकपमा गइरहँदा नेपालका […]

Success

Thank you for your time.