default_image

3 weeks ago

April 30, 2024

टि-२० विश्वकपका लागि भारतको टोली सार्वजनिक 

5367 views

0 Bookmark

काठमाडौँ (हाम्रो खेलकुद) – आईसीसी टी–२० विश्वकपका लागि भारतीय टोलीको घोषणा गरिएको छ । बीसीसीआईले वेस्ट इन्डिज र अमेरिका जाने चार रिजर्भ खेलाडीसहित १५ सदस्यीय टोली घोषणा गरेको हो । 

घोषणा हुनु अघि, विकेटकीपर चयनका लागि दावेदारहरूले सो भूमिकाको लागि प्रतिस्पर्धा गरिरहेका थिए । अन्ततः भारतले ऋषभ पन्त र सञ्जु स्यामसनलाई जिम्मा दिएको छ । सन् २०२२ को डिसेम्बरमा भएको घातक दुर्घटनामा घाइते भएपछि पन्त पहिलो पटक अन्तर्राष्ट्रिय क्रिकेटमा फर्किने छन् ।

शिभम दुबेको आईपीएल फर्मका कारण उनी पनि टोलीमा सामेल भएका छन् । हालैमा भएको अफगानिस्तान विरुद्धको सिरिजमा राम्रो प्रदर्शन गरेका उनलाई बाहिर राख्न भारतका लागि गाह्रो पर्ने देखिन्थ्यो । 

भारतले रविन्द्र जडेजा, अक्षर पटेल, कुलदीप यादव र युजवेन्द्र चहललाई समावेश गर्दै स्पिन-हेवी बलिङ लाइनअप रोजेको छ । यस्तै पेस बलिङको कमान जसप्रित बुमराह, अर्शदीप सिंह, मोहम्मद सिराज र उपकप्तान हार्दिक पाण्ड्याले सम्हाल्नेछन् । 

यशस्वी जैसवाल, विराट कोहली र सूर्यकुमार यादवले कप्तान रोहितको साथमा शीर्ष क्रमको जिम्मेवारी उठाउने छन् । शुभमन गिल र रिंकु सिंहले सहित तेज बलर खलील अहमद र आवेश खान वैकल्पिक खेलाडीको रुपमा रहेका छन् । २०२१ र २०२२ को संस्करणमा टोलीमा रहेका केएल राहुल भने टोलीमा रहेका छैनन् । 

भारतीय टोलीः रोहित शर्मा (कप्तान), हार्दिक पाण्ड्या (उपकप्तान), यशस्वी जैसवाल, विराट कोहली, सूर्यकुमार यादव, ऋषभ पन्त (विकेटकिपर), सञ्जु स्यामसन (विकेटकिपर), शिभम दुबे, रवीन्द्र जडेजा, अक्षर पटेल, कुलदीप यादव, युजवेन्द्र चहल, अर्शदीप सिंह, जसप्रित बुमराह, मोहम्मद सिराज

वैकल्पिक: शुभमन गिल, रिंकु सिंह, खलील अहमद र आवेश खान

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.