default_image

3 months ago

May 3, 2024

रोमाञ्चक खेलमा हैदराबाद १ रनले विजयी

5315 views

0 Bookmark

एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो ।

२०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ रनको आवश्यकता थियो ।

अन्तिम ओभर बलिङ गर्न भुवनेश्वर कुमार आएका थिए । उनको पहिलो बलमा रविचन्द्रण आश्विनले १ रन लिए । दोस्रो बलमा रोभमन पावेलले २ रन लिए भने तेस्रो बलमा उनले चौका प्रहार गरे ।

चौथो बलमा पनि पावेलले २ रन लिए । हैदराबादका लागि रनआउटको अवसर भएपनि पावेक २ रन लिन सफल रहे । अन्तिम बलमा २ रन चाहिएकोमा पावेललाई कुमारले एलबिडब्लुमा फसाएपछि हैदराबाद १ रनले विजयी भयो ।

राजस्थानका रियान परागले ४९ बलमा ८ चौका र ४ छक्का सहित सर्वाधिक ७७ रन बनाए । यस्तै यशस्वी जैसवालले ४० बलमा ६७ रन जोडे । जोस बटलर र सञ्जु स्यामसन दुवै शून्यमा आउट भएपछि जैसवाल र परागले इनिङ सम्हालेका थिए । यस्तै अन्तिम बलमा आउट भएका पावेलले १५ बलमा २७ रन बनाए ।

हैदराबादका भुवनेश्वर कुमारले ३ विकेट लिए । यस्तै प्याट कमिन्स र नटराजनले २-२ विकेट लिए ।

त्यसअघि टस जितेर पहिले ब्याटिङ गर्ने निर्णय गरेको हैदराबादले २० ओभरमा ३ विकेट गुमाएर २०१ रन बनायो । सुस्त सुरुवात गरेको हैदराबादको इनिङ नितिश रेड्डी र हेन्रीक क्लासेनले उकासेका थिए ।

रेड्डीले ४२ बलमा ३ चौका ८ छक्का प्रहार गर्दै ७६ रन जोडे । क्लासेनले १९ बलमा ३ चौका र ३ छक्का सहित ४२ रन बनाए । ट्राभिस हेडले ४४ बलमा ५८ रन जोडेका थिए ।

राजस्थानका आभेश खानले २ विकेट तथा सन्दिप शर्माले १ विकेट लिए ।

जित पछि हैदराबाद १० खेलमा १२ अंक सहित चौथो स्थानमा उक्लिएको छ । राजस्थान १० खेलमा १६ अंक सहित शीर्ष स्थानमा यथावत छ ।

आईपिएलमा भोलि हुने खेलमा मुम्बई इंडियन्स र कोलकत्ता नाईट राइडर्स भिड्ने छन् ।

July 27, 2024

नामिबियामाथि स्कटल्यान्डको सहज जित

एजेन्सी – स्कटल्यान्डले विश्वकप लिग टु सिरिज अन्तर्गतको खेलमा नामिबियामाथि सहज जित हात पारेको छ । आइसीसी क्रिकेट विश्वकप लिग टु सिरिज अन्तर्गत स्कटल्यान्डमा जारी ओमान, नामिबिया र घरेलु टोलीबीचको त्रिकोणात्मक सिरिजको छैटौं खेलमा स्कटल्यान्डले १ सय ३८ रनको फराकिलो जित हात पारेको हो । स्कटल्यान्डले दिएको ३ सय २ रनको लक्ष्य पछ्याएको नामिबिया ४०.१ […]

July 27, 2024

पहिलो दिन १३ विकेट‌ खस्यो

एजेन्सी – वेस्ट इन्डिज र इंग्ल्याण्डबीचको तेस्रो तथा अन्तिम टेस्टको पहिलो दिन शुक्रबार १३ विकेट खसेको छ । पहिलो दिन टस जितेर ब्याटिङ गरेको वेस्ट इण्डिज अलआउट हुँदै २ सय ८२ रन मात्र जोड्न सक्यो । वेस्ट इण्डिजका लागि ओपनर तथा कप्तान क्रेग ब्रेथवेटले ८६ बलमा सर्वाधिक ६१ रन बनाउँदा ८ चौका प्रहार गरे । […]

July 26, 2024

पाकिस्तानलाई हराउँदै श्रीलंका फाइनलमा

एजेन्सी – आयोजक‌ श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्‍यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]

Success

Thank you for your time.