default_image

2 weeks ago

May 16, 2024

एपिएफ लिग चरणका सबै खेलमा विजयी 

358 views

0 Bookmark

काठमाडौं (हाम्रो खेलकुद) – टियु क्रिकेट मैदानमा जारी ललितपुर मेयर्स कपमा नेपाल एपिएफ क्लबले राउण्ड रोबिन चरणको सबै खेलमा जित दर्ता गरेको छ । लगातार तीन जित दर्ता गर्दै फाइनल प्रवेश गरिसकेको एपिएफले बिहीबार चौथो खेलमा सुदुरपश्चिम प्रदेशलाई ३ विकेटले पराजित गरेको हो ।

सुदुरपश्चिमले दिएको ११२ रनको लक्ष्य एपिएफले दुई बल बाँकी छँदै पुरा गर्यो । कप्तान सिता राना मगर सहित शीर्ष क्रमका ब्याटर चल्न नसकेपनि एपिएफले बाजी मार्यो ।

सिताले ५ र इन्दु वर्माले ४ रन बनाएर आउट भएपछि ममता चौधरी र सरिता मगरले इनिङ उकासे । ममता ३४ बलमा ४ चौका प्रहार गर्दै ३२ रन बनाएर अविजित रहिन् । सरिताले ३० बलमा ३ चौका सहित १९ रन जोडिन् ।

त्यसअघि रोमा थापाले २० बलमा ४ चौका सहित २३ रन जोडेको थिइन् । ओपनर राजमति ऐरीले ११ रन बनाइन् ।

सुदुरपश्चिमका लागि लक्ष्मी साउदले २ विकेट लिइन् भने जानकी थला, कविता जोशी, ऋतु कनोउजिया, स्नेहा महरा र विन्दु रावलले १-१ विकेट लिए ।

त्यसअघि टस हारेर पहिले ब्याटिङ गरेको सुदुरपश्चिमले निर्धारित २० ओभरमा ५ विकेट गुमाएर १ सय ११ रन जोड्यो । सुदुरपश्चिमका लागि कप्तान विन्दु रावलले ५१ बल खेल्दै १ चौका र १ छक्का सहित सर्वाधिक ३६ रन बनाए ।

यस्तै ओपनर रुबी पोडार र कविता जोशीले समान २९-२९ रन बनाए । रुबीले ३६ बल खेल्दै ४ चौका प्रहार गरिन् भने कविताले २८ खेलमा २ चौका प्रहार गरिन् ।

एपिएफका लागि रेखा रावल र इन्दु वर्माले समान १-१ विकेट लिए ।

एपिएफको ४ खेलमा ८ अंक भएको छ । सुदुरको ३ खेलमा ४ अंक छ भने समान ३ खेलमा नै ललितपुर मेयर्स-११ र कोशी प्रदेशको समान २-२ अंक छ । कोशी प्रदेश अंकविहिन छ ।

प्रतियोगितामा आज दिनको दोस्रो खेलमा ललितपुर मेयर्स-११ र कोशी प्रदेश भिड्ने छन् । भोलि हुने लिग चरणको अन्तिम खेलमा सुदुरले बागमती प्रदेश भिड्ने छन् ।

५ टोली समामिलित प्रतियोगिता सिंगल राउण्ड रोबिनका आधारमा खेलाइदै छ भने शीर्ष दुई आउँदो शनिवार फाइनल खेल्नेछन् ।

May 27, 2024

नेपाललाई क्यानाडाविरुद्ध बलियो लक्ष्य

ड्यालास (हाम्रो खेलकुद) – आइसिसी टि-२० विश्वकप अन्तर्गत आफ्नो पहिलो वार्म अप खेलमा नेपालले क्यानाडाविरुद्ध बलियो लक्ष्य पाएको छ । ग्रान्ड प्रेरि मैदानमा टस हारेर पहिला ब्याटिङ गरेको क्यानाडाले निर्धारित २० ओभरमा ७ विकेटको क्षतिमा १ सय ८३ रन बनाएको छ । अन्तिम केही ओभरमा नेपाली बलर महंगो सावित हुँदा क्यानाडाले बलियो योगफल खडा गरेको […]

May 27, 2024

दीपेन्द्रसहित ग्रेसको विश्वकप गीत सार्वजनिक

काठमाडौं (हाम्रो खेलकुद) – अलराउन्डर दीपेन्द्र सिंह ऐरी ब्राण्ड एम्बेसडर रहेको ग्रेस इन्टरनेसनलले यसै साता सुरु हुने आइसीसी मेन्स टि२० विश्वकपको लागि विश्वकप विशेष गीत सार्वजनिक गरेको छ । एक दशकपछि टि२० विश्वकप खेल्न लागेको नेपाली टोलीको हौसला बढाउन तथा समर्थकहरुमा उत्साह थप्न गित सार्वजनिक गरिएको हो । विश्वभरका क्रिकेट प्रेमीहरुको ध्यान विश्वकपमा गइरहँदा नेपालका […]

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

Success

Thank you for your time.