default_image

4 weeks ago

May 29, 2024

अवार्ड जिताउनेलाई छोड्दै विश्वकप टोलीमा क्यान अध्यक्ष समावेश

1930 views

0 Bookmark

सुबास हुमागाईं, डालस, अमेरिका

नेपाल क्रिकेट संघ (क्यान) ले आइसीसी टि२० विश्वकपका लागि पठाएको नेपाली राष्ट्रिय क्रिकेट टोलीको अन्तिम नामावलीमा अध्यक्ष चतुरबहादुर चन्दलाई अधिकारिक टोलीमा समेट्ने आश्चर्यजनक निर्णय गरेको छ ।

क्यानले टोलीमा रहने १० अफिसियलको नामावलीमा टोलीका प्रशिक्षक, प्राविधिक सहयोगी, व्यवस्थापक, फिजियो लगायतसँग अध्यक्ष चतुरबहादुर चन्दलाई पनि समेट्दा आवश्यक जिम्मेवारी वहन गर्ने व्यक्ति भने नेपालमै छुटेका छन् । क्यानले बुझाएको सूचीमा नियमित अफिसियल मुख्य प्रशिक्षक मोन्टि देशाइ, सहायक प्रशिक्षक वसन्त शाही ठकुरी, क्रिकेट कन्सल्टेन्ट नन्दन फाद्निस, बलिङ कन्सल्टेन्ट रड इस्टविक, एनालिस्ट रमण शिवाकोटी, फिजियो विक्रम न्यौपाने र फिटनेस ट्रेनर अब्दुल सतार छन् ।

यसबाहेक क्यानले पुन: एकपटक दाङ जिल्ला क्रिकेट संघका अध्यक्ष प्रदिप मजगैयाँलाई व्यवस्थापकको जिम्मेवारी दिएको छ । यसअघि श्रीलंकामा गत वर्ष सम्पन्न एसीसी एसिया कपमा पनि उनले व्यवस्थापकको जिम्मेवारी पाएका थिए । हरेक प्रतियोगितामा व्यवस्थापक परिवर्तन गर्ने क्यानले यसपटक मजगैयाँलाई निरन्तरता दिनुले क्यानभित्र असन्तुष्टि बढेको थियो ।

तर अन्तिम सुचिमा अध्यक्ष चन्द आफैं जाँदा टोलीमा आवश्यक जिम्मेवारीका व्यक्ति पनि विश्वकपमा छुट्ने भएका छन् । मजगैयाँसँगै क्यान केन्द्रीय सदस्य दिवाकर घले पनि टिम लिडरको भूमिकामा अमेरिका आइसकेका छन् । यस्तोमा टोलीमा एकै खालको जिम्मेवारी लिएर ३ पदाधिकारी अफिसियल सूचीमा रहेका छन् ।

क्यानले टोलीमा अति आवश्यक रहने मिडिया म्यानेजर भने समावेश गरेको छैन । विश्वकपमा अन्य सबै टोलीले मिडिया म्यानेजर नियुक्त गर्नुपर्ने प्रावधान छ । विश्वकपमा अधिकारिक सूचना आदानप्रदान तथा मिडियासँग समन्वयका लागि आवश्यक पर्ने व्यक्ति नै नहुँदा त्यसको समस्या पनि पहिलो दिन नै देखिएको छ ।

नेपाल र क्यानडाबीच वार्म अप खेलपछि नेपाली टोलीको कप्तान वा प्रशिक्षक अन्तर्वार्ताका लागि आउनुपर्नेमा कोहि उपस्थित भएनन् । क्यानले हाललाई उक्त जिम्मेवारी निर्वाह गर्ने भनिएका व्यवस्थापक मजगैयाँले दुई पटक प्रयास गर्दापनि खेलाडी वा प्रशिक्षक उपस्थित गराउन सकेनन् ।

नेपालमा रहँदा क्यानले भानु सिग्देल र साजन लामिछानेलाई मिडियाको जिम्मेवारी दिँदै आएको थियो । मिडिया टोलीको उच्च कार्यकै कारण क्यान यसपटक आइसीसीको डिजिटल फ्यान इन्गेजमेन्ट अफ द इयर अवार्डको लागि मनोनयनमा परेको छ । एसिया क्षेत्रमा त नेपालले टेस्ट राष्ट्र समेतलाई पछि पार्दै अवार्ड हात पारिसक्यो । तर विश्वकपमा भने टोलीमा न मिडिया म्यानेजर छन् न त अधिकारिक फोटोग्राफर नै ।

एसिया कप दौरान नेपालले खेलेको खेल लगायत त्यसअघि विश्वकप छनोट र लिग-२ का दौरान क्यानले मिडिया टोलीलाई राम्रो प्रयोग गरेको थियो । यसबाहेक घरेलु क्रिकेटमा पनि क्यानको मिडिया टोलीको तदारुकताले क्यानको सामाजिक संजालमा राम्रो चर्चा रहेको छ । तर विश्वकपमा भने त्यसो नहुने भएको छ । यसले क्यानको आफ्नो सामाजिक संजाल मात्र होइन, समग्र नेपाली क्रिकेटकै विश्वभर संचारमाध्यममा उपस्थिति कमजोर हुनेछ ।

विश्वकपको रिपोर्टिङ गर्न नेपालबाट मात्र झन्डै १ दर्जन पत्रकार कोहि व्यक्तिगत त कोहि संस्थागत खर्चमा संचारकर्मी अमेरिका पुग्दै छन् । तर क्यानले जिम्मेवारी अनुसार अफिसियल नतोक्दा क्यान आफ्नो त काम भएको छैन नै, अन्य मिडियालाई पनि काम गर्न कठिनाई भइरहेको छ । आइसीसीले वार्म अप खेलमा बोर्डका फोटोग्राफर बाहेक अन्यलाई तस्वीर लिन नदिँदा उक्त खेलमा नेपालको कुनै तस्वीर बाहिर आएन ।

यता क्यानडाले भने उक्त खेलपछि आफ्नो मिडिया म्यानेजरमार्फत प्रशिक्षक पुबुदु दासानायकेलाई उपलब्ध गरायो । पछिल्लो समय क्यानडा क्रिकेटमा प्रशिक्षक बर्खास्त लागायत विवाद भएपनि मिडिया म्यानेजरले नेपाली संचारकर्मीलाई अन्तर्वार्ताको विषयबारे जानकारी लिएर समय उपलब्ध गराए । नेपाली टोलीका व्यवस्थापकले भने खेलाडी थाकेको भन्दै कोहि आउन नमानेको जानकारी दिए । जबकी क्यानडाका ४ खेलाडी मैदानमै ढलेका थिए भने एक जनालाई अस्पताल नै लागिएको थियो ।

यसबाहेक क्यानले आफ्नो थ्रो डाउन स्पेसलिस्ट आशुतोष पंकजलाई पनि नेपालमै छाडेको छ । मिडिया म्यानेजर, फोटोग्राफर, थ्रो डाउन स्पेसलिस्ट लगायत अन्य व्यक्तिको आवश्यकता हुँदाहुँदै पनि क्यानले आफ्नो अध्यक्षलाई विश्वकपको अफिसियल सुचिमा राखेको छ ।

विश्वकप खेल्न नेपालसँगै एसिया क्षेत्रबाट छनोट भएको ओमानको सुचिमा भने त्यस्तो छैन । ओमानले टोलीमा वाश्यक जिम्मेवारी अनुसार नै मिडिया म्यानेजर समेतको नाम आइसीसीलाई बुझाएको छ । यतिमात्र होइन, आइसीसीको मिडिया पोर्टलमा नेपालबाहेक अन्य सबै देशको सम्पर्क व्यक्तिको विवरण राखिएको छ ।

विश्वकपको वार्म अप खेल नियम पालना गर्नुपर्ने अवस्थामा केहि लचक मानिन्छ । तर सोमबार खेलपछि देखिएको समस्या समाधान गर्नुपर्ने क्यानले मंगलबार अध्यक्षलाई अमेरिका पठाएको छ ।

यसैपनि क्यानले आफ्नो अध्यक्ष, सचिव वा उच्च पदस्थ अधिकारीलाई आइसीसीको कंग्रेसमा पठाउन सक्छ । क्यानकै खर्च वा व्यक्तिगत खर्चमा नेपाल आउने विकल्प पनि रहन्छ । तर त्यसो हुन सकेन । क्यानकै क्रिकेट म्यानेजर विनोद दास पछिल्लो केहि दिनयता अमेरिकामा छन् । तर उनी समेत व्यक्तिगत खर्चमा अमेरिका आएका छन् । उनले नेपाली टोलीको अभ्यास खेलहरुमा संयोजनको जिम्मेवारी निर्वाह गरेपनि अफिसियल सुचिमा भने अटाउन सकेनन् । तर अध्यक्ष, विना कुनै जिम्मेवारी अब विश्वकप अवधिभर टोलीसँग रहनेछन् ।

विश्व क्रिकेटमा यो सम्भव पहिलो पटक हुनेछ की कुनै संघको अध्यक्ष विश्वकपको खेल दौरान खेलाडीसँग डगआउटमा हुनेछन् । र सम्भवत अन्तिम पनि ।

June 23, 2024

इङ्ल्यान्ड टि ट्वान्टी विश्वकपको सेमिफाइनलमा

एजेन्सी – अमेरिका विरुद्ध सानदार जित दर्ता गर्दै इङ्ल्यान्ड आइसिसी टि ट्वान्टी विश्वकप २०२४ को सेमिफाइनलमा प्रवेश गर्ने पहिलो टोली बनेको छ । इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । अमेरिकाले दिएको १ सय १६ रनको लक्ष्य इङ्ल्यान्डले ९.४ ओभरमै कुनै विकेट नगुमाई भेटायो । इङ्ल्यान्डको जितमा कप्तान जस […]

June 23, 2024

अष्ट्रेलियाविरुद्ध अफगानिस्तानको पहिलो जित

एजेन्सी – अष्ट्रेलिया माथि सानदार जित दर्ता गर्दै अफगानिस्तानले आइसिसी टि-ट्वान्टी विश्वकपको सेमिफाइनलमा पुग्ने सम्भावना कायम राखेको छ । आफ्नो इतिहासमा अष्ट्रेलिया विरुद्ध पहिलो जित दर्ता गर्ने क्रममा अफगानिस्तानले शनिबार २१ रनको जित हासिल गरेको हो । अफगानिस्तानको जित पछि सुपर एट समूह १ बाट सेमिफाइनल पुग्ने दौड रोचक बनेको छ । भारतको २ खेलबाट […]

June 22, 2024

बंगलादेशलाई हराउँदै भारत सेमिफाइनल नजिक

एजेन्सी – भारत आइसिसी टि-२० विश्वकपको सेमिफाइनलको निकै नजिक पुगेको छ । सुपर एट चरण अन्तर्गत बंगलादेश माथि ५० रनको फराकिलो जित दर्ता गर्दै भारत सेमिफाइनलको निकै नजिक पुगेको हो । आईतवार बिहान अष्ट्रेलियाले अफगानिस्तान माथि जित दर्ता गरेका भारतको सेमिफाइनलमा स्थान पक्का हुनेछ । सो नतिजा आएमा भारत र अष्ट्रेलिया बीचको खेलले समूह विजेता […]

Success

Thank you for your time.