default_image

3 weeks ago

June 4, 2024

नेपालको विश्वकप टोलीबाट अध्यक्ष हटाएर डाक्टर थपिए

2736 views

0 Bookmark

डालास (हाम्रो खेलकुद) – आइसीसी मेन्स टि२० विश्वकप २०२४ अन्तर्गत नेपाली राष्ट्रिय क्रिकेट टोलीमा अफिसियल परिवर्तन भएको छ ।

नेपाल क्रिकेट संघ (क्यान) ले सुरुवातमा बुझाएको सुचिबाट अध्यक्ष चतुरबहादुर चन्दलाई बाहिर राख्दै टिममा डाक्टर थपिएका छन् । क्यानले अध्यक्ष चतुरबहादुर चन्दको नाम नेपालको अधिकारिक टोलीमा समेट्दै आइसीसीलाई पठाएपछि सर्वत्र आलोचना भएको थियो ।

टोलीमा व्यवस्थापक र टिम लिडरको भूमिकामा दुई कार्यसमिति सदस्य रहिसकेको अवस्थामा अध्यक्ष पनि विना भूमिका टोलीमा समावेश भएका थिए । तर आइसीसीले सूची पाएलगत्तै टोलीमा अन्य आवश्यक भूमिकामा अफिसियल नरहेको र खेलको दिन टिम डाक्टर अनिवार्य राख्नुपर्ने नियम देखाउँदै अफिसियल परिवर्तन गर्न निर्देशन दिएको थियो ।

त्यसै अनुसार क्यानले अध्यक्षको स्थानमा डाक्टर टोलीमा समावेश गरेको हो । नेपालबाट डाक्टर झिकाउन सम्भव नभएपछि अमेरिकामै रहेका नेपाली होम नाथ पन्त टोलीमा थपिएका छन् । अमेरिकाको मेरिल्याण्डमा बस्दै आएका पन्त अब टोलीसँगै वेस्ट इन्डिजसम्म टोलीमा रहनेछन् ।

यसबाहेक टोलीमा १५ खेलाडी र ९ अफिसियल भने नियमित नै छन् । टोलीमा फिजियो विक्रम न्यौपाने लामो समयदेखि साथ रहेकाले पन्तलाई आवश्यक पर्दा काम गर्न सहज हुने देखिन्छ । क्यानले प्रतियोगिताका लागि सुरुवातमै डाक्टर अनिवार्य रहेको नियम बेवास्ता गर्दा अन्तिम समयमा टोलीभन्दा बाहिर रहेका व्यक्तिलाई अकस्मात विश्वकप टोलीमा समावेश गर्नुपरेको हो ।

नेपाली टिम :

रोहित पौडेल (कप्तान), दीपेन्द्रसिंह ऐरी, कुशल भुर्तेल, आसिफ शेख, अनिल शाह, सन्दीप जोरा, कुशल मल्ल, गुलशन झा, सोमपाल कामी, करण केसी, सागर ढकाल, अभिनाश बोहोरा, ललित नारायण राजवंशी, प्रतिश जिसी, कमल सिंह ऐरी

अफिसियल:

मोन्टि देशाइ (प्रशिक्षक), वसन्त शाही (सहायक प्रशिक्षक), नन्दन फाद्निस (क्रिकेट कन्सल्टेन्ट), रड एस्टविक (बलिङ कन्सल्टेन्ट), विक्रम न्यौपाने (फिजियो), रमण शिवाकोटी (एनालिस्ट), अब्दुल शतार (फिटनेस ट्रेनर), प्रदीप मजगैया (व्यवस्थापक), दिवाकर घले (टिम लिडर), होम नाथ पन्त (डाक्टर)

June 23, 2024

इङ्ल्यान्ड टि ट्वान्टी विश्वकपको सेमिफाइनलमा

एजेन्सी – अमेरिका विरुद्ध सानदार जित दर्ता गर्दै इङ्ल्यान्ड आइसिसी टि ट्वान्टी विश्वकप २०२४ को सेमिफाइनलमा प्रवेश गर्ने पहिलो टोली बनेको छ । इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । अमेरिकाले दिएको १ सय १६ रनको लक्ष्य इङ्ल्यान्डले ९.४ ओभरमै कुनै विकेट नगुमाई भेटायो । इङ्ल्यान्डको जितमा कप्तान जस […]

June 23, 2024

अष्ट्रेलियाविरुद्ध अफगानिस्तानको पहिलो जित

एजेन्सी – अष्ट्रेलिया माथि सानदार जित दर्ता गर्दै अफगानिस्तानले आइसिसी टि-ट्वान्टी विश्वकपको सेमिफाइनलमा पुग्ने सम्भावना कायम राखेको छ । आफ्नो इतिहासमा अष्ट्रेलिया विरुद्ध पहिलो जित दर्ता गर्ने क्रममा अफगानिस्तानले शनिबार २१ रनको जित हासिल गरेको हो । अफगानिस्तानको जित पछि सुपर एट समूह १ बाट सेमिफाइनल पुग्ने दौड रोचक बनेको छ । भारतको २ खेलबाट […]

June 22, 2024

बंगलादेशलाई हराउँदै भारत सेमिफाइनल नजिक

एजेन्सी – भारत आइसिसी टि-२० विश्वकपको सेमिफाइनलको निकै नजिक पुगेको छ । सुपर एट चरण अन्तर्गत बंगलादेश माथि ५० रनको फराकिलो जित दर्ता गर्दै भारत सेमिफाइनलको निकै नजिक पुगेको हो । आईतवार बिहान अष्ट्रेलियाले अफगानिस्तान माथि जित दर्ता गरेका भारतको सेमिफाइनलमा स्थान पक्का हुनेछ । सो नतिजा आएमा भारत र अष्ट्रेलिया बीचको खेलले समूह विजेता […]

Success

Thank you for your time.