default_image

1 month ago

June 12, 2024

महिला एशिया कपको दोस्रो चरणको प्रशिक्षणमा २० खेलाडी

1132 views

0 Bookmark

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो ।

बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका खुसी डंगोल, करुणा भण्डारी, संगीता राई, आरती महतो, सावित्रा धामी, यशोदा विष्ट , सोनी पाख्रिन र हेलिसा गुरुङ टोलीबाट बाहिरिएका छन् ।

एलिसा खडिया, हेलिसा गुरुङ, सावित्री धामी र राजमती ऐरी पहिलो पटक राष्ट्रिय टोलीको बन्द प्रशिक्षणमा परेका थिए । यी मध्य राजमती मात्र दोस्रो चरणमा प्रवेश गरेकी छन् ।

श्रीलंकामा एसीसी महिला एसिया कप साउन ४ देखि १३ गतेसम्म हुने छ । नेपाल, भारत, पाकिस्तान र युएई समूह एमा छन् । समूह बीमा श्रीलंका, बंगलादेश, थाइल्यान्ड र मलेसिया छन् ।

नेपालले उद्घाटन खेलमा पाकिस्तानको सामना गर्नेछ । दोस्रो खेलमा नेपालले साउन ६ गते युएई र ८ गते भारतको सामना गर्नेछ । नेपाल एसीसी महिला प्रिमियर कपको शीर्ष चारमा रहँदै एसिया कपमा छनोट भएको हो ।

दोस्रो चरणका लागि महिला टोली:

इन्दु वर्मा (कप्तान),रुविना क्षेत्री, सिता राना मगर, कविता कुँवर, सम्झना खड्का, कविता जोशी, काजोल श्रेष्ठ (विकेटकिपर) , पूजा महतो, डली भट्ट, विन्दु रावल, रोमा थापा, ममता चौधरी, कृतिका मरासिनी, सबनम राई, रुवि पोदार (विकेट किपर), अप्सरी बेगम, अश्मिना कर्माचार्य, राजमती ऐरी, एलिशा खडिया

July 23, 2024

आइसीसी निर्णयले नेपालको विश्वकप यात्रा सहज

काठमाडौं (हाम्रो खेलकुद) – अन्तर्राष्ट्रिय क्रिकेट परिषद (आइसीसी) को सोमबार बसेको बोर्ड बैठकले महिला तथा पुरुष विश्वकपको छनोट प्रतियोगितामा गरेको परिवर्तनले नेपाललाई केही सहज हुने देखिएको छ । आइसीसीले सन् २०२६ मा हुने आइसीसी मेन्स टि२० विश्वकपका लागि क्षेत्रीय छनोटबाट विश्वकप पुग्ने ८ टोलीको छनोट प्रक्रियामा थोरै परिवर्तन गरेको छ । जसअनुसार अब युरोप र […]

July 23, 2024

 नेपाल र भारत भिड्दै 

काठमाडौँ (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा आज नेपाल भारत विरुद्ध खेल्दैछ । खेल नेपाली समय अनुसार बेलुका ७:१५ बजे श्रीलंका स्थित दाम्बुला स्टेडियममा सुरु हुनेछ । १-१ खेल बाँकी रहँदा समूह ए मा नेपाल र पाकिस्तानको समान २-२ अंक छ । भारतले २ खेल जितिसकेको छ । युएईले […]

July 21, 2024

नेपाल पाकिस्तानसँग पराजित

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको आफ्नो दोस्रो खेलमा नेपाल पाकिस्तान विरुद्ध ९ विकेटले पराजित भएको छ । प्रतिस्पर्धात्मक लक्ष्य पाएको पाकिस्तानले लक्ष्य १ विकेट गुमाएर पुरा गरेको हो । नेपालले दिएको १०९ रनको लक्ष्य पाकिस्तानले ११.५ ओभरमा पुरा गर्यो । पाकिस्तानका लागि ओपनर गुल फेरोजाले ३५ बलमा १० […]

Success

Thank you for your time.