default_image

4 weeks ago

June 25, 2024

अफगानिस्तान टि-ट्वान्टी विश्वकपको सेमिफाइनलमा

2387 views

0 Bookmark

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ ।

वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो ।

अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो ।

समूह १ मा भारत ६ अंक सहित समूह विजेता बन्दा दोस्रो अफगानिस्तानको ३ खेलमा ४ अंक रह्यो । अष्ट्रेलिया २ अंक सहित तेस्रो स्थानमा रह्यो भने बंगलादेशले अंक जोड्न सकेन।

अफगानिस्तानले फाइनल प्रवेशका लागि दक्षिण अफ्रिकाको सामना गर्नेछ । अर्को सेमिफाइनलमा भारत र इङ्ल्यान्ड भिड्ने छन् ।

डिएलमा बंगलादेशले जितका लागि १९ ओभरमा १ सय १४ रन बनाउनुपर्ने थियो । तर ७ बल बाँकी छँदा बंगलादेश १ सय ५ रनमा समेटियो । बंगलादेशका लागि ओपनर लिटन दास इनिङको सुरुवात देखि अन्तिमसम्म क्रिजमा डटेर अविजित रहे । तर अर्कोतर्फ लगातार विकेट खसेपछि बंगलादेशलाई उनले पार लगाउन सकेनन् ।

लिटनले ४९ बलमा ५४ रन बनाएका थिए । अन्य ब्याटरको प्रदर्शन भने राम्रो रहेन । टोहिद हृदाेयको १४ रन नै दोस्रो ठूलो स्कोर रहेको थियो ।

अफगानिस्तानका लागि नभिन-उल-हक र राशिद खानले समान‌ ४-४ विकेट लिए । फजलहक फरूकी र गुलबदिन नैबले समा‌न १ विकेट लिए ।

त्यसअघि सेन्ट भिन्सेन्टमा टस जितेर ब्याटिङ गरेको अफगानिस्तानले २० ओभरमा ५ विकेट गुमाएर १ सय १५ रन जोडेको थियो । अफगानिस्तानका रहमनुल्लाह गुर्बाजले ५५ बलमा ४३ रन बनाएका थिए । राशिद खानले १९ रन बनाउँदा इब्राहिम जाद्रानले १८ रन बनाए ।

बंगलादेशका लागि ऋषाद होसेनले ३ तथा तास्किन अहमद र मुस्तफिजुर रहमानले १-१ विकेट लिए ।

July 23, 2024

आइसीसी निर्णयले नेपालको विश्वकप यात्रा सहज

काठमाडौं (हाम्रो खेलकुद) – अन्तर्राष्ट्रिय क्रिकेट परिषद (आइसीसी) को सोमबार बसेको बोर्ड बैठकले महिला तथा पुरुष विश्वकपको छनोट प्रतियोगितामा गरेको परिवर्तनले नेपाललाई केही सहज हुने देखिएको छ । आइसीसीले सन् २०२६ मा हुने आइसीसी मेन्स टि२० विश्वकपका लागि क्षेत्रीय छनोटबाट विश्वकप पुग्ने ८ टोलीको छनोट प्रक्रियामा थोरै परिवर्तन गरेको छ । जसअनुसार अब युरोप र […]

July 23, 2024

 नेपाल र भारत भिड्दै 

काठमाडौँ (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा आज नेपाल भारत विरुद्ध खेल्दैछ । खेल नेपाली समय अनुसार बेलुका ७:१५ बजे श्रीलंका स्थित दाम्बुला स्टेडियममा सुरु हुनेछ । १-१ खेल बाँकी रहँदा समूह ए मा नेपाल र पाकिस्तानको समान २-२ अंक छ । भारतले २ खेल जितिसकेको छ । युएईले […]

July 21, 2024

नेपाल पाकिस्तानसँग पराजित

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको आफ्नो दोस्रो खेलमा नेपाल पाकिस्तान विरुद्ध ९ विकेटले पराजित भएको छ । प्रतिस्पर्धात्मक लक्ष्य पाएको पाकिस्तानले लक्ष्य १ विकेट गुमाएर पुरा गरेको हो । नेपालले दिएको १०९ रनको लक्ष्य पाकिस्तानले ११.५ ओभरमा पुरा गर्यो । पाकिस्तानका लागि ओपनर गुल फेरोजाले ३५ बलमा १० […]

Success

Thank you for your time.