एजेन्सी – सन्दीप लामिछानेको एक विकेट सहित क्यानडामा जारी ग्लोबल टि-ट्वान्टी लिगमा भेनकुवर नाईट्सले मध्यम लक्ष्य पाएको छ ।

टस जितेर पहिला बलिङ गरेको भेनकुवरले मोन्ट्रियल टाइगर्सलाई निर्धारित २० ओभरमा ७ विकेटको क्षतिमा रनमा १ सय ४४ रोकेको हो ।

भेनकुवरका लागि नेपाली लेग स्पिनर सन्दीप लामिछानेले १ विकेट लिए । उनले दिलप्रित बाज्वालाई बोल्ड आउट गरेका थिए । यस्तै नेपाली अल राउण्डर दीपेन्द्र सिंह ऐरीले भने बलिङ गर्ने अवसर पाएनन् ।

यस्तै भेनकुवरका लागि मोहम्मद आमिर र ड्वेन प्रिटोरियसले समान २ र जेरेमी गोर्डनले १ विकेट लिए ।

मोन्ट्रियलका लागि कोर्विन बोस्च्सले २५ बलमा सर्वाधिक ३५ रन बनाए । यस्तै बाज्वाले २२ बलमा सर्वाधिक ३३ रन र अज्मतुल्लाह ओमारजाईले २७ रन बनाए ।

टिम साइफर्ट र आयान अफजल खानले समान १६ रन बनाए भने कप्तान क्रिस लिनले १० रन जोडे ।

भेनकुवर हालसम्म खेलेको दुवै खेलमा पराजित भएको थियो ।

यस्तो रह्यो सन्दीपको ४ ओभर

११ औं ओभरमा आफ्नो पहिलो ओभर लिएर आएका सन्दीपले त्यस ओभरमा २ बल डट राख्दै ५ रन खर्चिए । पहिलो दोस्रो बलमा समान १ रन खर्चिएका उनलेले तेस्रो बल डट राखेका थिए । ओभरको चौथो बलमा अफगानी ब्याटर अजमतुल्लाह उमरजाईले २ रन बनाए । पाँचौ बल पुनः डट राखेका सन्दीपले अन्तिम बलमा १ रन खर्चिए ।

सन्दीपले आफ्नो दोस्रो ओभर १३ औं ओभरमा लिएर आएका थिए । यस ओभरमा सन्दीपले १ विकेट लिनुका साथै ८ रन खर्चिएका थिए । पहिलो र दोस्रो बलमा सन्दीपले समान १ रन खर्चिएका थिए । ओभरको तेस्रो बलमा सन्दीपलाई दिलप्रित बाज्वाले छक्का प्रहार गरे । चौथो बल डट राखेका सन्दीपले पाँचौ बलमा बाज्वालाई बोल्ड आउट गरे । ओभरको अन्तिम बलमा सन्दीपले कुनै रन खर्चिएनन् ।

सन्दीपले खेलको १५ औं ओभरमा आफ्नो तेस्रो ओभर गरेका थिए । यस ओभरमा उनले ७ रन खर्चिएका थिए । सुरुआती ३ बलमा समान १ रन खर्चिएका सन्दीपले चौथो बल डट राखे । पाँचौ बलमा कोरबिन बोशले सन्दीपलाई चौका प्रहार गरे । ओभरको अन्तिम बलमा सन्दीपले रन खर्चिएनन् ।

खेलको १७ औं ओभरमा सन्दीपले आफ्नो स्पेलको अन्तिम ओभर लिएर आएका थिए । यस ओभरमा सन्दीपले रन खर्चिएका थिए । ओभरको पहिलो दुई बल डट राखेका सन्दीपले तेस्रो बलमा १ तथा चौथो बलमा २ रन खर्चिए । पाँचौ बल डट राखेका सन्दीपले अन्तिम बलमा १ रन खर्चिए ।

सन्दीपले यस खेलमा ४ ओभरमा २४ रन खर्चिएर १ विकेट लिए । यसमा उनले १० बल डट राखेका थिए ।