1 year ago
August 12, 2024
काठमाडौं (हाम्रो खेलकुद) – भारतमा हुने नेपाली राष्ट्रिय क्रिकेट टोलीको अभ्यासमा कप्तानसहित खेलाडी सहभागी नहुने भएका छन् ।
क्यानडामा आयोजना हुने विश्वकप लिग-२ अन्तर्गतको त्रिकोणात्मक सिरिजको तयारीका लागि नेपाली टोली सोमबार भारत गएको छ ।
नेपाल क्रिकेट संघ(क्यान) का प्रवक्ता छुम्बी लामाका अनुसार हाल क्यानडामा रहेका कप्तान रोहितकुमार पौडेल, अलराउन्डर दीपेन्द्रसिंह ऐरी र लेग स्पिनर सन्दीप लामिछाने भारतमा हुने प्रशिक्षणमा सहभागी हुने छैनन् । तीनै खेलाडी क्यानडामा भएको ग्लोबल टी ट्वान्टी लिगका लागि त्यहाँ रहेका थिए ।
‘हामी अन्तिममा जाने भनेको क्यानडा नै हो । उनीहरु उतै रहन्छन् । दीपेन्द्र र रोहित अर्को लिगका लागि वेस्ट इन्डिज जान्छन् । सन्दीप भने क्यानडामा रहन्छन्,’ प्रवक्ता लामाले भने ‘नेपालमा वर्षाको सिजन भएकाले नेपाली टोली खेल भन्दा केही अघि नै क्यानडा जाने तयारीमा रहेको छ ।’
टोलीले बैंगलोरको राष्ट्रिय क्रिकेट एकेडेमी (एनसिए) मा दुई साता प्रशिक्षण गर्ने प्रवक्ता लामाले बताए । बोर्ड अफ क्रिकेट कन्ट्रोल इन्डिया(बिसीसीआई) सँगको सहकार्यमा नेपाली टोलीले पहिलो पटक त्यहाँको सुविधासपन्न एकेडेमीमा अभ्यास गर्न लागेको लामाले बताए ।
नेपालले सेप्टेम्बरमा क्यानडामा ओमान र घरेलु टोलीबीच त्रिकोणात्मक सिरिज खेल्ने छ । नेपालको लिग–२ मा यो दोस्रो सिरिज हो।
नेपालले लिग-२ अन्तर्गत दोस्रो राउन्डको त्रिकोणात्मक सिरिज खेल्न लागेको हो । पहिलो राउन्डमा नेपालले घरेलु मैदानमा नामिबिया र नेदरल्यान्ड्ससँग खेलेको थियो ।
नेपालले पहिलो राउन्डमा १ खेल मात्र जितेको थियो । पहिलो राउन्डमा नेपालले नेदरल्यान्ड्सलाई मात्र पराजित गरेको थियो । गत साता क्यानले २२ जना खेलाडीलाई बन्द प्रशिक्षणमा बोलाएको थियो ।
‘भारतमा हुने अभ्यासमा रोहित, सन्दीप र दीपेन्द्रबाहेकका १९ खेलाडी सहभागी हुनेछन् । गुलसन झा र देव खनाल भारतमा नै रहेकाले उतैबाट टोलीमा सामेल हुनेछन् । मुख्य प्रशिक्षक मोन्टि देसाई पनि भारतमा नै टोलीमा सामेल हुनेछन् ,’प्रवक्ता लामाले बताए ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
