एजेन्सी – जिम्बाब्वेले महिला टि ट्वान्टी विश्वकप आयोजनाका लागि चासो देखाएको छ । आगामी अक्टोबर ३ तारिखदेखि बंगलादेशमा आयोजना हुने तय भएको उक्त प्रतियोगिता सरकारविरोधी आन्दोलनका कारण अन्यत्र सारिने सम्भावना रहेको छ ।

भारतले बिहीवार आयोजनाका लागि तयार नरहेको जनाएपछि युएईका बारेमा विकल्पको रुपमा छलफल भइरहेको छ । विकल्पको सूचीमा जिम्बाब्वेले पनि आफुलाई उभ्याएको छ ।

सन् २०१८ र २०२३ मा अन्तिम दुई ओडिआई विश्वकप छनोटको सफलतापूर्वक आयोजना गरेपछि जिम्बाब्वेले आफूलाई क्रिकेटको ठूलो गन्तव्यका रूपमा विकास गर्ने उद्देश्यका साथ अघि बढेको छ । जिम्बाब्वेले पछिल्लो पटक सन् २००३ मा दक्षिण अफ्रिका र केन्यासँगै विश्वकप आयोजना गरेको थियो ।

हालका लागि जिम्बाब्वेले हरारे स्पोर्ट्स क्लब (जसमा भर्खरै स्थापना गरिएको फ्लडलाइटहरू पनि छन्) र बुलावायोको क्विन्स स्पोर्ट्स क्लबलाई २०२४ को महिला टि ट्वान्टी विश्वकपको लागि प्रस्ताव गरेको छ ।

जिम्बाब्वे अक्टोबरमा गर्मीमा प्रवेश गर्दछ र न्यूनतम वर्षाको अपेक्षा गरिएको छ । भारतले पनि मौसमकै कारण आयोजना गर्ने प्रस्ताव अस्वीकार गरेको थियो । श्रीलंका पनि मौसमसँग कै कारण पछि हट्ने बुझिएको छ ।

महत्वपूर्ण विषय जिम्बाब्वेले धेरै राम्रो समर्थक उपस्थित गर्न सक्षम हुनेछ । यता, २० हजार भन्दा बढी मानिस अट्ने स्टेडियम भए पनि दर्शकको अभावलाई युएईको लागि प्रमुख चिन्ताको विषय हो ।

जिम्बाब्वे पनि आशावादी छ कि युएईको तुलनामा आफ्नो देशमा प्रतियोगिता आयोजना गर्न अपेक्षाकृत कम लागत लाग्नेछ । आइसिसी बोर्डले आगामी अगष्ट २० तारिखका दिन यस विषयमा निर्णय गर्ने सम्भावना छ ।