3 weeks ago
August 24, 2024
एजेन्सी – घरेलु टोलीले नेदरल्यान्ड्समा त्रिकोणात्मक टि ट्वान्टी आई सिरिजमा विजयी सुरुवात गरेको छ।
स्पोर्टपार्क मार्सचलकरवेर्ड, यूट्रेक्टमा शुक्रवार भएको खेलमा नेदरल्यान्ड्सले क्यानडा माथि ५ विकेटको जित निकालेको छ । सिरिजमा अर्को टोली अमेरिका छ।
क्यानडाले दिएको १ सय ५३ रनको मध्यम लक्ष्य नेदरल्यान्ड्सले १६.१ ओभरमा ५ विकेट गुमाएर पूरा गर्यो ।
नेदरल्यान्ड्सका लागि माइकल लेभिट र विक्रमजित सिंहले अर्धशतक पूरा गरे । लेभिटले ४७ बलमा ४ चौका र ३ छक्काको सहयोगमा सर्वाधिक ६२ जोडे।
विक्रमजित सिंहले २१ बलमा ५ चौका र ४ छक्काको सहयोगमा ५२ रन बनाए । म्याक्स ओडाउडले २३ रन थपे ।
क्यानडाका लागि हर्ष ठाकर र साद विन जाफरले समान २ तथा कलिम सानाले १ विकेट लिए ।
त्यसअघि टस जितेर ब्याटिङ गरेको क्यानडाले निर्धारित २० ओभरमा ५ विकेट गुमाएर १ सय ५२ रनको मध्यम योगफल तयार गरेको थियो ।
क्यानडाका कप्तान निकोलस किर्तनले ५८ बलमा ८ चौकाको सहयोगमा नट आउट रहँदै सर्वाधिक ६९ रन जोडे । रविन्द्रपाल सिंहले १८ बलमा १ चौका र ४ छक्काको सहयोगमा नट आउट ३९ रन बनाए ।
नेदरल्यान्ड्सका लागि काइल क्लेनले ३, जैच लायन कैचेट र ड्यानियल डोरमले समान १ विकेट लिए । सिरिजमा शनिवार क्यानडा र अमेरिकाबीच खेल हुँदैछ ।
September 11, 2024
काठमाडौं(हाम्रो खेलकुद) – नेपालले द हङकङ क्रिकेट सिक्सेस खेल्ने भएको छ । हङकङ क्रिकेट सिक्सेसनेपाली टोली सहभागी हुने नेपाल क्रिकेट संघ(क्यान) का प्रवक्ता छुम्बी लामाले बताए । ‘सुपर सिक्सेसमा नेपालले पहिलो पटक भाग लिने छ । लामो इतिहास भएको प्रतियोगितामा सहभागी हुन पाउनु खुसी विषय हो,’ प्रवक्ता लामाले भने, ‘ नेपालबाट कस्तो टोली सहभागी गराउने […]
September 10, 2024
काठमाडौं( हाम्रो खेलकुद) – अर्को बर्ष हुने आइसिसी यु १९ महिला टि ट्वान्टी विश्वकपको एसिया छनोट युएईमा हुने भएको छ । नेपाल क्रिकेट संघ (क्यान) ले मंगलवार विश्वकप एसिया छनोटको खेल तालिका जारी गरेको हो । प्रतियोगिता राउन्ड रोविन लिगका आधारमा हुनेछ । खेलतालिका अनुसार नेपालको पहिलो खेल कात्तिक २१ गते थाईल्यान्डसॅंग र दोस्रो खेलमा […]
September 10, 2024
काठमाडौं (हाम्रो खेलकुद)- नेपाली क्रिकेटका सफल प्रशिक्षक जगत टमाटा राष्ट्रिय क्रिकेट टोलीमा फरक भूमिकामा फर्किएका छन्। नेपाल क्रिकेट संघ (क्यान) ले टमाटालाई कन्सल्टेन्ट प्रशिक्षकको जिम्मेवारी दिएको छ। नेपाली राष्ट्रिय क्रिकेट टोलीको बिदाइ कार्यक्रममा मंगलवार क्यानका सचिव पारस खड्काले टमाटालाई विश्वकप लिग टु अन्तर्गत क्यानडा र अमेरिकामा हुने दुई सिरिजको लागि जिम्मेवारी दिएको बताए। क्रिकेट टोली […]
