एजेन्सी – वेस्ट इन्डिजले दक्षिण अफ्रिकाविरुद्धको टि ट्वान्टी आई सिरिज एक खेल अघि नै जितेको छ।

ब्रायन लारा क्रिकेट स्टेडियम ट्रिनिडाडमा सोमवार भएको दोस्रो खेलमा घरेलु टोली ३० रनले विजयी भएको हो । यो जितसँगै वेस्ट इन्डिजले ३ खेलको सिरिजमा २-० अग्रता बनाएको छ ।

वेस्ट इन्डिजले दिएको १ सय ८० रनको लक्ष्य पछ्याएको दक्षिण अफ्रिकाले १९.४ ओभरमा अल आउट हुदै १ सय ४९ रन मात्र जोड्न सक्यो ।

दक्षिण अफ्रिकाका रिजा हेनरिक्सले १८ बलमा ६ चौका र २ छक्काको सहयोगमा सर्वाधिक ४४ रन जोडे । ट्रिस्टन स्टम्सले २४ बलमा २८, रायन रिकल्टनले २०, कप्तान एडेन मारकमले ९ बलमा १९ तथा रासी भान डेर डुसेनले १७ रन बनाए ।

घरेलु टोलीका लागि शेमार जोसेफ र रोमारियो शेफर्डले समान ३, अकिल होसेनले २ तथा म्याथ्यु फोर्ड र गुणकेश मोटीले समान १ विकेट लिए ।

टस हारेर पहिले ब्याटिङको निम्तो पाएको घरेलु टोलीले निर्धारित २० ओभरमा ६ विकेट गुमाएर १ सय ७९ रन को मध्यम योगफल बनाएको थियो ।

टोलीका लागि शाइ होपले २२ बलमा २ चौका र ४ छक्काको सहयोगमा सर्वाधिक २१ रन बनाएका थिए ।

कप्तान रोभमन पावलले २२ बलमा ३५, शेफन रादरफोर्डले १८ बलमा २९, ओपनर अलिक अथिनाजले २१ बलमा २८ तथा निकोलस पुरनले १९ बलमा १९ रन जोडेका थिए ।

पाहुना टोलीका लागि लिजार्ड विलियम्सले ३, प्याट्रिक कुर्जरले २ तथा ओटिन ब्राटम्यानले १ विकेट लिए । दुई टोलीबीचको तेस्रो तथा अन्तिम खेल बुधवार हुनेछ ।