एजेन्सी – इङ्ग्ल्यान्डले श्रीलंकाविरुद्धको दोस्रो टेस्टको पहिलो दिनको खेलमा जोय रुटको शतकको सहयोगमा मजबुत सुरुवात गरेको छ ।

इङ्ग्ल्यान्ड भ्रमणमा रहेको श्रीलंकाविरुद्ध पहिलो दिन बिहीवारको खेल सकिँदा घरेलु टोलीले ७ विकेटको नोक्सानीमा ३ सय ५८ रन बनाएको छ ।

घरेलु टोलीका गस एटकिन्सन ७४ तथा म्याथ्यु पोट २० रन बनाएर नट आउट छन् । जोय रुटले २ सय ६ बलमा १ सय ४३ रनको शतकीय पारी खेले । रुटको टेस्ट क्रिकेटमा यो ३३औं शतक हो ।

रुटले इङ्ग्ल्यान्डका लागि टेस्ट क्रिकेटमा सर्वाधिक शतक बनाउँने एलेस्टर कुकको कीर्तिमानलाई बराबरी गरेका छन् । कुकले १ सय ६१ खेलमा ३३ शतक बनाएका थिए ।

रुटले १ सय ४५ खेलमा ३३ शतक बनाउँदै रुटको कीर्तिमानलाई बराबरी गरेका हुन् । टेस्टमा सर्वाधिक शतक बनाउँने खेलाडीको शीर्ष स्थानमा भने भारतका सचिन तेन्दुल्कर छन् । सचिनले २ सय खेलमा ५१ शतक बनाएका छन् ।

ओपनर बेन डुकेटले ४०,ह्यारी ब्रुकले ३३, जेमी स्मिथले २१ तथा ड्यान लरेन्सले ९ रन जोडे । पाहुना टोलीका लागि पहिलो इनिङको पहिलो दिन लाहिरु कुमारा, मिलन रत्नायके र अशिथा फर्नान्डोले समान २ तथा प्रबात जयसुर्याले १ विकेट लिए ।