एजेन्सी – तीन ब्याटरको शतकमा श्रीलंकाले न्युजिल्यान्डविरुद्धको दोस्रो टेस्टको पहिलो इनिङमा विशाल योगफल तयार गरेको छ ।

दुई टेस्ट सिरिजका लागि न्युजिल्यान्ड श्रीलंका भ्रमणमा छ । पहिलो खेल ६३ रनले जित्दै घरेलु टोलीले सिरिजमा १-० को अग्रता बनाएको छ ।

गालेमा टस जितेर ब्याटिङको सुरुवात गरेको घरेलु टोलीले पहिलो इनिङ ५ विकेट गुमाएर ६ सय २ रन बनाउदै इनिङ समाप्तीको घोषणा गर्यो ।

घरेलु टोलीका लागि विकेटकिपर दिनेश चन्डिमल, कमिन्डु मेन्डिस र कुशल मेन्डिसले शतक पूरा गरे।
कमिन्डुले २ सय ८५ बलमा नट आउट १ सय ८२, चन्डिमलले २ सय ८ बलमा १ सय १६ तथा कुशलले १ सय ४९ बलमा नट आउट १ सय ६ रन बनाए ।

त्यसअघि एन्जेलो म्याथ्युजले १ सय ८५ बलमा ८८, चन्डिमलले दोस्रो विकेटका लागि दिमुथ करुणारत्नसँग मिलेर १ सय २२ रनको साझेदारी गरे । करुणारत्ने १ सय ९ बलमा ४६ रन बनाउदै रन आउट भए।

पाहुना टोलीका लागि ग्लेन फिलिप्सले ३ तथा कप्तान टिम साउथीले १ विकेट लिए ।

शुक्रवार नै पहिलो इनिङ सुरु गरेको पाहुना टोलीले खराब सुरुवात गरेको छ । दोस्रो दिन सकिदा उसले २२ रन जोड्दा २ विकेट गुमाइसकेको छ । पाहुना टोलीका केन विलियम्स र अजाज पटेल क्रिजमा छन् ।