1 year ago
October 2, 2024
काठमाडौं (हाम्रो खेलकुद) – नेपाल प्रिमियर लिग (एनपिएल) टोली सुदूरपश्चिम रोयल्सले आफ्नो मुख्य प्रशिक्षकमा जगत टमाटालाई नियुक्त गरेको छ ।
नेपाली राष्ट्रिय क्रिकेट टोलीका मुख्य प्रशिक्षकको जिम्मेवारीमा रहिसकेका टमाटालाई सुदूरपश्चिमले यो जिम्मेवारी दिएको सामाजिक संजाल मार्फत जानकारी गराएको हो । क्लबले टमाटालाई मुख्य प्रशिक्षकका रुपमा भित्राउन पाउदा खुसी लागेको बताएको छ
‘टमाटा नेपाली क्रिकेट प्रतिभाको विकास र युवा खेलाडीलाई प्रोत्साहन गर्ने आफ्नो प्रतिबद्धताका लागि चिनिन्छन् । उनको प्रशिक्षण शैली अनुशासन, प्रविधि र टिमवर्कमा केन्द्रित छ, जसले नेपालको उदीयमान क्रिकेट राष्ट्रको रूपमा विकास गर्न योगदान पुर्याउँछ। उनकै नेतृत्वमा सुदूरपश्चिम रोयल्सले आगामी एनपीएलमा उत्कृष्ट प्रदर्शन गर्नेछ,’ सुदूरपश्चिम रोयल्सले भनेको छ ।
सुदूरपश्चिम रोयल्सले लोगो यसअघि नै सार्वजनिक गरिसकेको छ । सुदूरपश्चिमको मार्की खेलाडीका रुपमा राष्ट्रिय क्रिकेट टोलीका अलराउन्डर दीपेन्द्र सिंह ऐरी रहेका छन् । सुदूरपश्चिम रोयल्सको स्वामित्व एम्पायर स्पोट्स म्याजमेन्ट प्रालिसँग रहेको छ ।
नेपाल क्रिकेट संघ (क्यान) को आयोजनामा ८ टोलीको सहभागितामा मंसिर १६ गतेदेखि पुस ६ गतेसम्म एनपिएल हुनेछ । ८ टोलीको मार्की खेलाडीको टुंगो लागिसकेको छ । नेपाली खेलाडी छनोटका लागि आगामी असोज २० मा अक्सन हुनेछ । विदेशी खेलाडी भने टिमहरुले सिधै अनुबन्ध गर्न सक्नेछन् ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
