काठमाडौं(हाम्रो खेलकुद) – अमेरिकाविरुद्धको पहिलो टि ट्वान्टीमा नेपालले कुशल भुर्तेललाई गुमाएको छ ।

डालसमा जारी पहिलो टि ट्वान्टी आई खेलमा नेपालले तेस्रो विकेटका रुपमा कुशल आउट भएका हुन् ।

कुशललाई अमेरिकाका स्पिन बलर नोस्तुश केजिंकेले आउट गराएका हुन् । केजिंकेको बलमा कुशल बोल्ड आउट भएका थिए । कुशल १३ बलमा १० रन बनाउँदै दशौं ओभरको पहिलो बलमा आउट भएका थिए ।

अहिले नेपालका लागि कप्तान रोहित पौडेल र गुलशन झा क्रिजमा रहेका छन् । १२ ओभरको समाप्तीमा नेपालले ३ विकेट गुमाएर ९० रन बनाएको छ ।

त्यसअघि डालसस्थित ग्रान्ड प्रेरीमा स्टेडियममा टस हारेर पहिले ब्याटिङ गरेको नेपालले पहिलो विकेटका रुपमा अनिलकुमार शाह आउट भएका थिए । ओपनर शाह तीव्र गतिका बलर अलि खानको शिकार बने । पहिलो विकेटका लागि अनिल र आसिफले ४८ रन जोडे ।

खानको बलमा शाह एलबिडब्लु आउट भएका थिए । उनले १८ बलमा २ चौका र १ छक्कासहित २७ रन बनाए । एलबीडब्लु निर्णयमा विकेटकिपरले समेत अपिल नगरेको अवस्थामा अम्पायरले आउट दिएका थिए ।

अर्का ओपनर आसिफ शेख बायाँ हाते स्पिनर हर्मित सिंहको बलमा आउट भए । उनी दशौँ ओभरको पहिलो बलमा आउट भएका थिए । आसिफले २७ बलमा २७ रन जोड्ने क्रममा ४ चौका प्रहार गरेका थिए ।