काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ ।

तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो ।

बागमतीका रिजिन लामाले ८५ बलमा ४५, राजेश बोहराले ३३ बलमा १८ तथा आर्यन क्षेत्रीले १३ रन जोडे । मधेशका राजेश यादव र अरफुदिन रेनले समान ३ तथा अभिषेक तिवारी र रन्जित कुमारले समान २ विकेट लिए ।

त्यसअघि विराटनगरमा टस हारेर ब्याटिङको निम्तो पाएको मधेश ४६.३ ओभरमा १ सय ४२ रन बनाउँदै अल आउट भयो ।

मधेशका ओपनर इमरानले ७२ बलमा ४ चौका र १ छक्कको सहयोगमा ५४, रोशन साहले ३० तथा राजेश यादवले १५ रन जोडे ।

बागमतीका दयानन्द मण्डलले ३, दिपक सेरलले २ तथा राजेश बोहरा, दिनेश बिष्ट, राशन विक र गोकुल अधिकारीले समान १ विकेट लिए ।

३ खेलमा २ जित र १ हार बेहोरेको मधेशको २ अंक भएको छ । पहिलो खेलमा गण्डकी प्रदेशलाई पराजित गरेको बागमतीको २ खेलबाट २ अंक भएको छ ।

कात्तिक २१ सम्म चल्ने प्रतियोगितामा ७ प्रदेशको सहभागिता छ । सिङ्गल राउण्ड रोविनमा हुने प्रतियोगिताको शीर्ष २ टोली फाइनल खेल्नेछन् ।