काठमाडौं (हाम्रो खेलकुद) – स्कटल्याण्डका तीव्र गतिका बलर क्रिस सोलले नेपाल प्रिमियर लिग (एनपिएल) मा विराटनगर किंग्सबाट खेल्ने भएका छन् ।

विराटनगरले सोललाई चौथो विदेशी खेलाडीको रुपमा आफ्नो टोलीमा आबद्ध गरेको मंगलवार सामाजिक संजाल मार्फत जनाएको छ ।

सोलले स्कटल्याण्डका लागि ३१ ओडिआई र १७ टि ट्वान्टी आई खेल्दै ६८ विकेट लिएका छन् । सोलले विभिन्न फ्रेन्चाइज लिगको अनुभव लिएका छन् ।

विराटनगरले यसअघि ओमानका कप्तान अकिब इल्यास क्यानडाका कप्तान निकोलस किर्तन र स्कटल्याण्डका ब्याटर मार्टिन गप्टिललाई विराटनगरले अनुबन्ध गरेको थियो ।

विराटनगरले केही साता अघि मात्र आयरल्यान्डका पुर्व क्रिकेटर केबिन ओ ब्राइनलाई टोलीको मुख्य प्रशिक्षकमा नियुक्त गरेको थियो । विराटनगरको मार्की खेलाडीमा राष्ट्रिय क्रिकेट टोलीका नियमित सदस्य सन्दीप लामिछाने रहेका छन् ।

नेपाल क्रिकेट संघ (क्यान) को‌ आयोजनामा ८ टोलीको सहभागितामा‌ मंसिर १५ गतेदेखि पुस ६ गतेसम्म एनपिएल हुनेछ । सहभागी हरेक टोलीले आफ्नो अनुकुलका ४ विदेशी खेलाडी अनुबन्ध गर्ने छन् ।

विराटनगर किङ्स टोली

सन्दीप लामिछाने, लोकेश बम, प्रतिस जिसी, बसिर अहमद, राजेश पुलामी मगर, जितेन्द्रकुमार मुखिया, अनिल खरेल, दिपक बोहोरा, सुभाष भण्डारी, नरेन भट्ट, म्रिनाल गुरुङ, अकिब इल्यास, निकोलस कीर्तन, मार्टिन गप्टिल र क्रिस सोल