एजेन्सी – नेदरल्याण्ड्स ओमानसँग लगातार तेस्रो खेलमा पराजित भएको छ । नेदरल्याण्ड्स ओमानसँग केही दिन अघि भएको विश्व कप लिग टु को दुवै खेलमा पराजित भएको थियो ।

३ वटा टि ट्वान्टी आई सिरिजको पहिलो खेलमा बुधवार ओमानले नेदरल्यान्ड्सलाई ८ विकेटले हरायो । योसँगै ओमानले टि ट्वान्टी आई सिरिजमा १-० को अग्रता लिएको छ ।

१ सय ३९ रनको सामान्य लक्ष्य ओमानले १९.१ ओभरमा ७ विकेट गुमाएर पूरा गर्यो । ओमानका लागि हमिद मिर्जाले ४२ बलमा ५ चौका र ३ छक्काको सहयोगमा नट आउट ६२ रन जोडे ।

सफियान मोहम्मदले ३९ बलमा ३७, आशिष ओडाराले १३ बलमा १४ तथा कप्तान जतिन्दर सिंहले ७ बलमा १२ रन बनाए।

नेदरल्याण्ड्सका लागि राफेन भान डर मिर्वेले ३, टिम भार डर गुग्टेनले २ तथा कोलिन एकरमन र आर्यन दत्तले समान १ विकेट लिए ।

त्यसअअघि ओमानको मस्कटमा टस हारेर ब्याटिङको निम्तो पाएको नेदरल्याण्ड्सले निर्धारित २० ओभरमा ७ विकेट गुमाएर १ सय ३८ रनको योगफल तयार गरेको थियो ।

नेदरल्याण्ड्सका लागि कोलिन एकरमनले ३१ बलमा ३४, नोह कोर्सले २० बलमा नट आउट ३३ तथा बास डि लिडेले २४ बलमा १६ रन जोडे । ओमानका लागि मुजाहिर राजाले ३ तथा आमिर कलिमले २ विकेट लिए ।

दुई देशबीचको दोस्रो टि ट्वान्टी आई बिहीवार हुँदैछ ।