4 months ago
November 16, 2024
एजेन्सी – पाकिस्तानलाई लगातार दोस्रो टि ट्वान्टी आईमा पराजित गर्दै अस्ट्रेलियाले तीन खेलको टि ट्वान्टी आई सिरिज एक खेल अगावै जितेको छ ।
दोस्रो टि ट्वान्टी आईमा शनिवार अस्ट्रेलियाले पाकिस्तानमाथि १३ रनको जित हात पारेको हो । पहिलो खेल अस्ट्रेलियाले २९ रनले जितेको थियो ।
१ सय ४८ रनको मध्यम लक्ष्य पछ्याएको पाकिस्तान १९.४ ओभरमा अल आउट हुदै १ सय ३४ रनमा समेटियो ।
पाकिस्तानका उस्मान खानले ३८ बलमा ४ चौका र १ छक्कको सहयोगमा सर्वाधिक ५२ रन जोडे । इर्फान खानले २८ बलमा नट आउट ३७ तथा कप्तान मोहम्मद रिजवानले १६ रन जोडे । पाकिस्तानका अन्य ब्याटरले दोहोरो अंकमा रन जोड्न सकेनन् ।
अस्ट्रेलियाका स्पेन्सर जोनसनले ४ ओभरमा २६ रन खर्चिएर ५ महत्वपुर्ण विकेट लिए । एडम जाम्पाले २ तथा जेभियर ब्राटलेटले १ विकेट लिए ।
त्यसअघि सिड्नी क्रिकेट स्टेडियममा टस जितेर ब्याटिङ गरेको अस्ट्रेलिया निर्धारित २० ओभरमा ९ विकेट गुमाएर १ सय ४७ रनको योगफल तयार गरेको थियो ।
अस्ट्रेलियाका ओपनर म्याथ्यु शर्टले १७ बलमा २ चौका र २ छक्काको सहयोगमा सर्वाधिक ३२ रन जोडे ।
आरोन हार्डीले २३ बलमा १ चौका र १ छक्काको सहयोगमा २८, ग्लेन म्याक्सवेलले २० बलमा २१ तथा ज्याक फ्रेजरले ९ बलमा ३ चौका र १ छक्काको सहयोगमा २० रन बनाए ।
पाकिस्तानका लागि हरिस रउफले ४, अब्बास अफ्रिदीले ३ तथा सफियान मुक्युमले २ विकेट लिए । तेस्रो खेल सोमवार रहेको छ ।
March 19, 2025
काठमाडौं(हाम्रो खेलकुद) – सुदूरपश्चिम प्रदेशले प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा लुम्बिनी प्रदेशविरुद्ध जित हासिल गरेको छ । बुधवार भएको खेलमा सुदूरपश्चिमले ५ विकेटको जित हासिल गर्यो । लुम्बिनीले दिएको १ सय १७ रनको लक्ष्य सुदूरपश्चिमले ३१.१ ओभरमा ५ विकेट गुमाएर पूरा गर्यो । सुदूरपश्चिमको जितमा किरण कुमार ठगुन्नाले नट आउट रहँदै सर्वाधिक ४३ […]
March 19, 2025
काठमाडौं(हाम्रो खेलकुद) – लुम्बिनी प्रदेश प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा सुदूरपश्चिम प्रदेशविरुद्ध कम रनमै अल आउट भएको छ । भैरहवामा जारी खेलमा लुम्बिनी प्रदेश १ सय १६ रनमै अलआउट भएको हो । एक्स्ट्रा टेक क्रिकेट मैदानमा टस जितेर पहिले ब्याटिङ गरेको लुम्बिनी ४४.१ ओभरमा १ सय १६ रनमा समेटिएको हो । लुम्बिनीका लागि […]
March 19, 2025
काठमाडौं(हाम्रो खेलकुद) – भीम सार्कीको शतकबाट चुक्दा प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले मधेश प्रदेशलाई प्रतिस्पर्धात्मक लक्ष्य दिएको छ । दाङमा जारी खेलमा आर्मीले मधेशलाई २ सय १८ रनको प्रतिस्पर्धात्मक लक्ष्य दिएको छ । लमहीमा रहेको देउखुरी क्रिकेट मैदानमा टस जितेर पहिले ब्याटिङ गरेको आर्मीले निर्धारित ५० ओभरमा ७ विकेट गुमाएर […]
