काठमाडौं(हाम्रो खेलकुद) – लुम्बिनी लायन्सले सिद्धार्थ बैंक नेपाल प्रिमियर लिग(एनपिएल) का लागि क्यानडाका पूर्व कप्तान साद विन जाफरलाई अनुबन्ध गरेको छ ।

लुम्बिनीले पाँचौ विदेशी खेलाडीका रुपमा जाफलालाई अनुबन्ध गराएको बिहीवार सामाजिक संजाल मार्फत जनाएको छ ।

यसअघि लुम्बिनीले इङ्ग्ल्याण्डका टम मुर्स, अस्ट्रेलियाका बेन कटिङ, अमेरिकाका उन्मुक्त चन्द र वेस्ट इण्डिजका रामोन सिम्नोड्सलाई टोलीमा अनुबन्ध गरेको थियो ।

३८ वर्षिया अलराउण्डर जाफरले ५५ विकेट तथा ३ सय ९० रन बनाएका छन् । नेपाल क्रिकेट संघ(क्यान) को आयोजनामा हुने पहिलो संस्करणको सिद्धार्थ बैंक एनपिएल मंसिर १५ देखि पुस ६ गतेसम्म चल्नेछ । मंसिर १९ गते बुधवार लुम्बिनीले लिगको पहिलो खेलमा विराटनगर किङ्सको सामना गर्नेछ ।

सिद्धार्थ बैंक एपिएलमा लुम्बिनी लायन्सको खेल तालिका

मंसिर १९ गते विराटनगर किङ्सविरुद्ध दिउँसो १ः१५ बजे
मंसिर २१ गते पोखरा एभेन्जर्सविरुद्ध दिउँसो १ः१५ बजे
मंसिर २२ गते सुदूरपश्चिम रोयल्सविरुद्ध बिहान ९ः१५ बजे
मंसिर २३ गते जनकपुर बोल्ट्सविरुद्ध बिहान ९ः१५ बजे
मंसिर २५ गते चितवन राइनोजविरुद्ध बिहान ९ः१५ बजे
मंसिर २६ गते काठमाडौं गुर्खाजविरुद्ध दिउँसो १ः१५ बजे
मंसिर २८ गते कर्णाली याक्सविरुद्ध बिहान ९ः१५ बजे

लुम्बिनी लायन्स टिम

रोहितकुमार पौडेल, आसुतोष घिरैया, सुर्य तामाङ, दिनेश अधिकारी, विवेक यादव, दुर्गेश गुप्ता, तिलक राज भण्डारी, अभिषेश गौतम, सन्दीप जोरा, अर्जुन साउद, विकास आग्री, टम मुर्स, बेन कटिङ, उन्मुक्त चन्द र रामोन सिम्नोड्स।