6 days ago
November 27, 2024
काठमाडौं(हाम्रो खेलकुद) – ई-प्लानेट नेशनल हाईस्कुल क्रिकेट च्याम्पियनसिप पुसको पहिलो साताबाट सुरु हुने भएको छ ।
हाइपयेती इभेन्ट्स र ई-प्लानेटको संयुक्त आयोजनामा हुने यस प्रतियोगिता दुई चरणमा आयोजना हुनेछ । पहिलो चरणको प्रतियोगिता सातै प्रदेशमा आयोजना हुनेछ । प्रत्येक प्रदेशको विजेता टोली काठमाडौंमा हुने अन्तिम चरणका लागि छनोट हुनेछ ।
दोस्रो चरणको प्रतियोगिता माघ ९ देखि माघ १२ गतेसम्म संचालन हुनेछ । प्रतियोगिताका खेलहरु टि-टेन फर्म्याटमा हुनेछ । हरेक प्रदेशका विजेताले ५० हजार रुपैयाँ प्राप्त गर्नेछ। काठमाडौंमा हुने अन्तिम चरणमा हरेक प्रदेशका विजेता र आयोजकसहित ८ टोलीको सहभागिता रहनेछ ।
प्रतियोगितामा कक्षा ११ र १२ का विद्यार्थीले मात्र भाग लिएका छन् । सहभागिता जनाउँने विद्यार्थीले परीक्षाको प्रमाणपत्र र प्रधानाध्यापकले प्रमाणित गरेको पत्र बुझाउँनु पर्नेछ ।
पहिलो चरणको प्रतियोगिता इटहरी, जनकपुर, बुटवल, पोखरा, सुर्खेत, धनगढी र काठमाडौंमा हुनेछ । दोस्रो चरणको प्रतियोगिता काठमाडौंमा हुने तथा विजेताले १ लाख तथा दोस्रो हुने ५० हजार रुपैयाँ पाउनेछ।
December 3, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग (एनपिएल) टोली कर्णाली याक्सबाट खेल्न अस्ट्रेलियन अलराउन्डर विलियम बोसिस्टो मंगलवार नेपाल आएका छन् । त्रिभुवन अन्तर्राष्ट्रिय विमानस्थलमा विलियमलाई कर्णाली याक्सका प्रशिक्षक ज्ञानेन्द्र मल्ल र कन्सलटेन्ट कोच राजु बस्नेतले स्वागत गरेका थिए । ३१ वर्षीय विलियमले प्रथम श्रेणी, लिस्ट ‘ए’ र टि ट्वान्टी प्रतियोगिता खेलेका छन् । उनले […]
December 3, 2024
काठमाडौं(हाम्रो खेलकुद) – युएईमा जारी यु १९ एसिया कपमा मंगलवार नेपालले अफगानिस्तानमाथि रोमान्चक जित हासिल गरेको छ । एसिया कपको आफ्नो अन्तिम खेलमा नेपालले अफगानिस्तानमाथि १ विकेटको रोमान्चक जित हात पारेको हो । १ सय २४ रनको सामान्य लक्ष्य नेपालले ४१.३ ओभरमा ९ विकेट गुमाएर पूरा गर्यो । नेपालका लागि नरेन साउदले सर्वाधिक २६ रन […]
December 3, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को आजको दोस्रो खेलमा पोखरा एभेन्जर्स ७४ रनमा अल आउट भएको छ । चितवन राइनोजले पोखरा एभेन्जर्सलाई ८७ रनमा पराजित गरेको हो । मंगलवारको दोस्रो खेलमा चितवनले दिएको १ सय ६२ रनको प्रतिस्पर्धात्मक लक्ष्य पछ्याएको पोखरा ७४ रन बनाउँदै १३.२ ओभरमा अल आउट भएको हो । पोखराका […]
