काठमाडौं(हाम्रो खेलकुद) – युएईमा आजबाट सुरु यु १९ एसिया कपमा अर्धशतक पूरा गरेका नेपालका ओपनर मयन यादवलाई नेपालले चौथो विकेटका रुपमा गुमाएको छ ।

युएईमा जारी खेलमा श्रीलंकाले दिएको २ सय ३४ रनको लक्ष्य पछ्याइरहेको नेपालका ओपनर मयन ९५ बलमा ६२ रन बनाउँदै आउट भएका हुन् । मयनले ८३ बलमा छक्काको साथ अर्धशतक पूरा गरेका थिए ।

मयनले अर्धशतक पूरा गरे लगत्तै सन्तोष यादवका रुपमा नेपालले तेस्रो विकेट गुमाएको छ ।

कुमाल २१ ओभरको पहिलो बलमा भिमास दिमिकाको बलमा आउट २५ बलमा १२ रन जोड्दै आउट भएका थिए । नेपालले पहिलो विकेटका रुपमा ओपनर आकाश त्रिपाठीलाई गुमाएको थियो ।

११औ ओभरको अन्तिम बलमा नेपालले आकाशलाई गुमाएको थियो । उनी मधुलन कुगाथाको बलमा ३३ बलमा १९ रन बनाउँदै आउट भएका थिए ।

नेपालले अहिले ३०औं ओभरको समाप्तीमा ४ विकेट गुमाएर १ सय १४ रन बनाएको छ । क्रिजमा रोशन विक र नरेन भट्ट रहेका छन् ।

त्यसअघि युएईको सारजाह क्रिकेट स्टेडियममा टस हारेर ब्याटिङको निम्तो पाएको श्रीलंकाले निर्धारित ५० ओभरको अन्तिम बलमा अल आउट हुदै २ सय ३३ रनमा समेटिएको थियो ।