काठमाडौं (हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को खेलमा विराटनगर किंग्सले सुदूरपश्चिम रोयल्सविरुद्ध टस जितेको छ ।

कीर्तिपुरमा रहेको टियु क्रिकेट मैदानमा मंगलवारको पहिलो खेलमा विराटनगरका कप्तान सन्दीप लामिछानेले टस जितेर पहिले बलिङ रोजेका छन् ।

विराटनगर दोस्रो खेलमा पहिलो जितको खोजीमा रहेको छ । विराटनगर पहिलो खेलमा जनकपुर बोल्ट्ससँग ८ विकेटले पराजित भएको थियो । सुदूरपश्चिम भने पहिलो खेल खेल्दैछ ।

दोस्रो खेल खेल्दै गरेको विराटनगरले पहिलो खेलमा खेलेका दुई खेलाडीलाई बेन्चमा राखेको छ । पहिलो खेलमा खेले जितेन्द्र मुखिया र अकिब इल्यास बेन्चमा रहँदा दिपक बोहोरा र इस्मत आलमले मौका पाएका छन् ।

ट्यालेन्टबाट छानिएका बसन्त खत्रीलाई सुदूरपश्चिमले खेलेमा मौका दिएको हो । यस लिगमा ट्यालेन्ट हन्टबाट छानिएका खेलाडीलाई खेलमा मौका दिने सुदूरपश्चिम पहिलो टोली बनेको छ ।

विराटनगर किंग्सको प्लेइङ-११

सन्दीप लामिछाने, लोकेश बम, मार्टिन गप्टिल, क्रिस सोल, निकोलस कीर्तन, प्रतिस जिशी, बसिर अहमद, दिपक बोहोरा, अनिल खरेल, राजेश पुलामी मगर र इस्मत आलाम

सुदूरपश्चिम रोयल्स प्लेईङ-११

दीपेन्द्रसिंह ऐरी, अमित श्रेष्ठ, विनोद भन्डारी, ब्रेन्डन मक्मेलन, सेफ जेब, आरिफ शेख, इशान पान्डे, स्कट कुगेलेन, बसन्त खत्री, अभिनाष बोहोरा र नरेश बुढाऐर