काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा शुक्रवारको पहिलो खेलमा कर्णाली याक्सले चितवन राइनोजविरुद्ध टस जितेको छ ।

टियु क्रिकेट मैदान कीर्तिपुरमा कर्णालीका कप्तान सोमपाल कामीले टस जितेर बलिङ रोजेका छन् ।

बुधवार काटमाडौं गुर्खाजसँगको खेलमा टिममा कर्णालीले २ परिवर्तन गरेको छ । कर्णालीले भुवन कार्कीको स्थानमा युनिश विक्रम सिंह ठकुरी र बाबर हायतको स्थानमा विलियम बासिस्टोलाई मौका दिएको छ ।

कर्णालीको प्लेईङ-११

सोमपाल कामी, शिखर धवन, चाडविक वाल्टन(विकेटकिपर), विलियम बासिस्टो, जिशान मक्सुद, अर्जुन घर्ती, देव खनाल, विपिन शर्मा, गुलशन झा, युनिश विक्रम सिंह ठकुरी, नन्दन यादव

चितवनले मंगलवार पोखरा एभेन्जर्सविरुद्ध खेलेको टिम १ परिवर्तन गरेको छ । चितवनले हसन इसाखिलको स्थानमा जान निको लफ्टी इटनलाई मौका दिएको छ ।

चितवनको प्लेईङ-११

कुशल मल्ल, शरद भेषवाकर, रवि बोपारा, जान निकोल लफ्टी इटन, ल्युक बेनकेनस्टेन, रिजन ढकाल, विपिन रावल(विकेटकिपर), दिपक बोहोरा, अमरसिंह राउटेला, सन्तोष कार्की, सोहेल तन्भिर

चितवन सुरुवाती २ खेलमा जितका साथ बलियो स्थितीमा रहेको छ । चितवनले काठमाडौं गुर्खाज र पोखरा एभेन्जर्सलाई पराजित गरेको थियो । लगातार तेस्रो जित सहित शीर्ष स्थानमा उक्लिने लक्ष्यमा चितवन रहेको छ ।

लगातार दुई खेलमा पराजित कर्णाली पहिलो जितको लक्ष्यमा रहेको छ । पहिलो खेलमा जनकपुर बोल्ट्स र दोस्रो खेलमा काठमाडौंसँग कर्णाली पराजित भएको थियो ।