काठमाडौं (हाम्रो खेलकुद)– आठ राष्ट्रको सहभागितामा मार्च १५ मा बंगलादेशको ढाकामा सुरु हुने भनिएको इमर्जिङ कप क्रिकेटमा एसियाली क्रिकेट परिषद् (एसिसी)को नयाँ निर्णयपछि नेपालले खेल्न नपाउने भएको छ । अब प्रतियोगितामा ५ राष्ट्रले मात्र खेल्न पाउनेछन् ।

ङकङ र युएईले प्रतियोगिता नखेल्ने भएपछि बसेको एसिसीको बैठकले एक दिवसिय मान्यता प्राप्त राष्ट्रलाई सहभागि गराउने निर्णय लिएपछि नेपालले इमर्जिङ कप खेल्ने मौका गुमाएको हो ।

हङकङ र युएई नखेल्ने र नेपालले मौका नपाउने भएपछि अब प्रतियोगितामा भारत,श्रीलंका, पाकिस्तान बंगलादेशका यू २३ टोली र अफगानिस्तानको राष्ट्रिय टोली मात्र खेल्नेछन् ।

नेपाली क्रिकेट टोलीका मुख्य प्रशिक्षक जगत टमाटाले नेपालले खेल्न नपाउने अनौपचारिक रुपमा थाहा भएपनि एसिसीबाट औपचारिक जानकारी पाउन भने बाँकी रहेको बताएका छन् । टमाटाले भने,‘एसिसीका प्रतिनिधिसँग मेरो कुरा भए अनुसार नयाँ निर्णयले नेपालले खेल्न नपाउने भएको हो । यद्दपी आधिकारिक जानकारी आइसकेको छैन ।’