विवेक अर्जुन ट्रफीका सर्वोत्कृष्ट खेलाडी

धनगढी (हाम्रो खेलकुद)- अर्जुन ट्रफी टोली विजेता सिवाइसी अत्तरियाका विवेक यादव सर्वोत्कृष्ट खेलाडी घोषित भएका छन्।

विवेकलाई १ लाख रुपैयाँ प्रदान गरिएको छ। प्रतियोगिता अवधिभर उनले १ सय ५२ रन बनाउनका साथै १० विकेट लिएका थिए।

दोस्रो भएको फ्रेण्डस युथ क्लब डडेल्धुराका कुशल भुर्तेल उत्कृष्ट बलर र उत्कृष्ट ब्याटर दुवै चिनिए। उनले ५ खेलमा १ सय ६८ रन जोड्दै १३ विकेट लिएका थिए। बेस्ट बलरको लागि ५० हजार र बेस्ट ब्याटरको लागि ५० हजार गरी १ लाख रुपैयाँ प्राप्त गरे।

डिसीए धनगढीका हिक्मत महरा उदयीमान खेलाडी घोषित भए र ५० हजार रुपैयाँ प्राप्त गरे।

आज भएको फाइनल खेलमा फ्रेण्डस युथ क्लब डडेल्धुरालाई ३४ रनले हराउँदै सिवाइसी अत्तरिया अपराजित रहँदै उपाधि जितेको थियो।