काठमाडौं(हाम्रो खेलकुद) – प्रधानमन्त्री कप पुरुष एक दिवसीय राष्ट्रिय प्रतियोगिता पहिलो पटक काठमाडौं बाहिर हुने भएको छ ।

नेपाल क्रिकेट संघ (क्यान)ले शुक्रवार प्रतियोगिताको खेल तालिका जारी गर्दै प्रतियोगिताका सबै खेल लुम्बिनी प्रदेशको ३ वटा क्रिकेट मैदानमा हुने जनाएको छ । रुपन्देहीको सिद्धार्थ रंगशाला र एक्स्ट्राटेक ओभलमा तथा दाङको लमही क्रिकेट मैदानमा खेलहरु संचालन हुनेछ ।

क्यानले गत संस्करणका ११ खेललाई रुपन्देहीको सिद्धार्थ रंगशालामा गर्दै पहिलो पटक पिएम कपका खेल उपत्यका बाहिर आयोजना गरेको थियो । यो संस्करणमा भने पिएम कपका सबै खेल उपत्यका बाहिर हुनेछन् ।

प्रतियोगिता फागुन २५ देखि चैत १६ सम्म राउण्ड रोबिनका आधारमा संचालन हुनेछ । प्रतियोगितामा ७ प्रदेश र ३ विभागीय गरी १० टोलीको सहभागिता रहने छ । प्रतियोगितामा ४६ खेल हुनेछन् ।

लिग चरणमा सबै टोलीले एक आपसमा खेलेपछि शीर्ष २ टोलीका बीच फाइनल खेल हुनेछ । फाइनल चैत १६ गते सिद्धार्थ रंगशालामा हुनेछ । सिद्धार्थ रंगशालामा १७, एक्स्ट्राटेकमा १५ तथा दाङको लमहीमा १४ खेल हुनेछन् ।

पहिलो दिन कोशी र लुम्बिनी , बागमती र एपिएफ तथा कर्णाली र सुदूरपश्चिम प्रदेशबिच प्रतिस्पर्धा हुनेछ।

खेल तालिका