4 weeks ago
February 22, 2025
काठमाडौं(हाम्रो खेलकुद) – भक्तपुर मुनिसिपल क्रिकेट एसोसिएसन (बिएमसिए) ले प्रधानमन्त्री कप पुरुष राष्ट्रिय प्रतियोगिताको लागि भक्तपुर जिल्ला छनोट प्रतियोगिताको उपाधि जितेको छ ।
मुलपानी मैदानमा शनिवार फाइनलमा बिएमसिएले भक्तपुर क्रिकेट सेन्टर(बिसिसी) लाई ७ विकेटले पराजित गर्यो । १ सय १६ रनको लक्ष्य बिएमसिएले २०.२ ओभरमा ३ विकेट गुमाएर पूरा गर्यो ।
बिएमसिएका गौरव पौडेलले नट आउट रहँदै सर्वाधिक ४९ रन जोडे । उनले ५३ बलमा ४ चौका र १ छक्का प्रहार गरे ।
शौरभ साखाकर्मीले १७ रनमा आउट हुँदा विशाल देवकोटाले नट आउट २६ रन बनाए । बिसिसीका लागि लोकेश पालले २ तथा त्रिशन चौलागाईले १ विकेट लिए।
त्यसअघि टस हारेर ब्याटिङको निम्तो पाएको बिसिसी ३५.२ ओभरमा १ सय १५ रनमा समेटिएको थियो । बिसिसीका लागि दिपेन श्रेष्ठले सर्वाधिक ३४ रन जोडे । अभिषेक बस्नेतले १८ र समर्पण अधिकारीले १७ रन बनाए ।
बिएमसिएका लागि प्लेयर अफ द फाइनल समेत भएका सागर घिमिरेले ६ ओभरमा ४ मेडन ओभर गर्दै ४ रन मात्र खर्चिएर ३ विकेट लिए ।
सक्रिय प्रताप कार्कीले २ तथा धिरेन्द्र कुमार बस्नेत, मनिष श्रेष्ठ, शशांक दवाडी र सार्थक न्यौपानेले समान १ विकेट लिए ।
बिसिसीका विनोद तामाङ प्रतियोगिताको सर्वोत्कृष्ट खेलाडी, हिमालय स्पोर्ट्स म्यानेजमेन्टका सुमन हुमागाईं उत्कृष्ट बलर र जनप्रेमी स्पोर्ट्स क्लबका आकाश कुमार शाह उत्कृष्ट ब्याटर घोषित भए ।
नेपाल क्रिकेट संघ (क्यान) का सचिव पारस खड्का तथा भक्तपुर क्रिकेट संघका अध्यक्ष मनिषराज पाण्डे लगायतले पुरस्कार वितरण गरे । प्रतियोगितामा जिल्लाका १२ टोलीको सहभागिता थियो।
March 18, 2025
काठमाडौं(हाम्रो खेलकुद) – इशान पाण्डेको अलराउण्ड प्रदर्शनमा बागमती प्रदेशले प्रधानमन्त्री(पिएम) कपमा पुरुष एकदिवसीय राष्ट्रिय क्रिकेट प्रतियोगितामा गण्डकीलाई पराजित गरेको छ । मंगलवार भएको खेलमा बागमतीले गण्डकी प्रदेशलाई ६९ रनले हरायाे । बागमतीले दिएको २ सय ८९ रनको लक्ष्य पछ्याएको गण्डकी ४४ ओभरमा २ सय १९ रनमा अल आउट भयो । गण्डकीका लागि वंश क्षेत्रीले सर्वाधिक […]
March 18, 2025
काठमाडौं(हाम्रो खेलकुद) – कर्णाली प्रदेशले प्रधानमन्त्री(पिएम) कपमा पुरुष एकदिवसीय राष्ट्रिय क्रिकेट प्रतियोगितामा कोशीविरुद्ध जित हात पारेको छ । मंगलवार भएको खेलमा कर्णालीले कोशीमाथि १ सय २७ रनको फराकिलो जित हासिल गरेको हो । कर्णालीले दिएको २ सय १९ रनको मध्यम लक्ष्य पछ्याएको कोशी ३५ ओभरमा ९१ रनमा समेटिएको थियो । कोशीका लागि ओपनर चिराग साहले […]
March 18, 2025
एजेन्सी – घरेलु टोली न्युजिल्याण्डले पाकिस्तानमाथि लगातार दोस्रो टि ट्वान्टी आईमा पराजित भएको छ । मंगलवार भएको ५ खेलको टि ट्वान्टी आईको दोस्रो खेलमा न्युजिल्याण्डले ५ विकेटको जित हात पारेको छ । लगातार दोस्रो जितका साथ न्युजिल्याण्डले सिरिजमा २-० को जित हात पारेको पहिलो टि ट्वान्टी आईमा न्युजिल्याण्ड ९ विकेटले विजयी भएको थियो । बर्षाका […]
